Popular Bible Verses from Galatinu 3

Share

Ée Klísu húzú mɛ e è dó nu ɖó tɛn mǐtɔn mɛ ɔ́, é hwlɛ́n mǐ gán sín nyladó e sɛ́n ɔ́ nɔ hɛn wá nú mǐ é mɛ; ɖó Mawuxówéma ɔ́ ɖɔ: “Mɛ e è ká nyi atín wú ɔ́, nu wɛ è dǒ e.”

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.

Ényí mi nyí Klísu tɔn hǔn, mi nyí Ablaxámu ví, bɔ nǔ ɖagbe e sín akpá Mawu dó nú Ablaxámu ɔ́, mi ná mɔ yí.

Nǔ cí mɔ̌, bónú mɛ e ma nyí Jwifu ǎ lɛ́ɛ lɔ ná mɔ nyɔ̌ná e sín akpá Mawu dó nú Ablaxámu ɔ́ yí gbɔn Jezu Klísu jí. Nǔ cí mɔ̌, bónú mǐ bǐ ní mɔ Yɛsinsɛn e sín akpá Mawu dó nú mǐ ɔ́ yí ɖó nǔ e mǐ ɖi nú Mawu ɔ́ wútu.

È ka mɔ nukúnnú jɛ mɛ ganjí ɖɔ Mawu kún sixú mɔ mɛɖé dó mɔ hwɛjijɔnɔ ɖó sɛ́n e é nɔ nyi ɔ́ wú ó; ɖó Mawuxówéma ɔ́ ɖɔ: “Mɛ e Mawu mɔ dó mɔ hwɛjijɔnɔ ɖó nǔɖiɖi tɔn wú ɔ́ ná nɔ gbɛ.”