Popular Bible Verses from Sɛ́nflínmɛ 18

Share

Mɛ ɖěbǔ ní má ɖo mi mɛ, bó dó vǐ tɔn súnnu abǐ nyɔ̌nu zo nú vodún ó; mɛ ɖěbǔ ní má bló majíki abǐ é ní kan fá ó, mɛ ɖěbǔ ní má kan amɔɛ abǐ é ní ɖu azě ó; mɛ ɖěbǔ ní má ɖó bǒ nú mɛ ó; mɛ ɖěbǔ ní má yi bonu ó.

Đó mɛ e nɔ wa nǔ mɔ̌hun lɛ́ɛ nɔ́ vɛ́ mɔ nú Mawu Mavɔmavɔ, Mawu mitɔn; mɛ e ɖo to e ná ná mi wɛ Mawu Mavɔmavɔ ɖe ɔ́ mɛ lɛ́ɛ wɛ nɔ́ wa nǔ énɛ́ lɛ́ɛ; énɛ́ wú wɛ, nú mi wá to ɔ́ mɛ ɔ́, é ná nya mɛ e ɖo to ɔ́ mɛ lɛ́ɛ ɖo nukɔn mitɔn.

Éɖíe, ényí gbeyíɖɔ ɖé ɖɔ nǔɖé dó Mawu Mavɔmavɔ sín nyǐkɔ mɛ, bɔ nǔ ɔ́ má jɛ ǎ ɔ́, hǔn xó e é ɖɔ ɔ́ gosín Mawu Mavɔmavɔ gɔ́n ǎ nɛ́. Gbeyíɖɔ ɔ́ ɖésú wɛ syɛ́n ta bó ɖɔ xó énɛ́ ɔ́. Mi ma ké ya nú xó tɔn ó.

Amɔ̌, midɛɛ lɛ́ɛ ɔ́, mi ní zán gbɛ bónú Mawu Mavɔmavɔ, Mawu mitɔn ma mɔ nǔɖé d'é wú ó.