Popular Bible Verses from Daniyɛ́li 9

Share

Un xo ɖɛ bó ɖɔ hwɛ ce lɛ́ɛ nú Mawu Mavɔmavɔ, Mawu ce ɖɔ: “Aklúnɔ, Mawu ɖaxó e mɛɖé ma nɔ mɔ do ná ǎ é, hwi mɛ e nɔ nɔ gbejí nú akɔ e a jɛ xá mɛ e nɔ nyi sɛ́n towe lɛ́ɛ é. A nɔ nɔ gbejí nú mɛ e yí wǎn nú we lɛ́ɛ.

Mawu ce, ɖǒtó ganjí, bó zé nukún towe dó kpɔ́n ná tlítlí. Kpɔ́n lě e to mǐtɔn élɔ́ e ɖo acɛ towe mɛ ɔ́ hánnyá bó cí é! Ée mǐ ka ɖo vo sa nú we wɛ ɔ́, é nyí nyɔ̌wa mǐtɔn wú wɛ mǐ gán jɛ ǎ; lo ɔ́, wǎn yíyí towe ma ɖó dogbó ɔ́ wú wɛ mǐ gán jɛ. Aklúnɔ, ɖǒ tó mǐ! Aklúnɔ, zě hwɛ mǐtɔn lɛ́ɛ kɛ mǐ! Aklúnɔ, ayi towe ní nɔ mǐ wú! Mawu ce, kpɔ́n dó wǎn yíyí towe wú, bó wá jɛ hun dó to élɔ́ kpó togun élɔ́ kpó jí, ɖó nyǐkɔ towe wɛ è ylɔ́ dó yě jí.”

Un blá nu, bó zé ati kplá, bó lɛ afín, bó dó ɖe xlɛ́ ɖɔ un húzú jijɔ, bó kpan nukɔn Aklúnɔ Mawu bó xo ɖɛ, bó sa vo n'i.

Amɔ̌, hwɛ Aklúnɔ, Mawu mǐtɔn ɔ́, ɖo xomɛnyínyɔ́ towe mɛ ɔ́, mǐ nɔ ɖo gǔ fɔ́n dó jǐ towe wɛ, có a nɔ zé hwɛ mǐtɔn lɛ́ɛ kɛ mǐ.

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”