Popular Bible Verses from Daniyɛ́li 5

Share

A zě Aklúnɔ sɛ́xwé tɔn ɔ́ hwe, bó yi bɛ́ kɔ́fu e ɖo sinsɛnxɔ tɔn mɛ lɛ́ɛ, bɔ hwi kpó gbɛ̌ towe lɛ́ɛ kpó asi towe lɛ́ɛ kpó, kpó agalɛtɔ́ towe lɛ́ɛ kpó dó nu ahan ná, bɔ a nɔ ji han dó kpa susu nú vodún e è zě kpatágan dó bló ná lɛ́ɛ, ée è zě siká dó bló ná lɛ́ɛ, ée è zě ganvɔ dó bló ná lɛ́ɛ, ée è zě gan dó bló ná lɛ́ɛ, ée è zě atín dó bló ná lɛ́ɛ, kpó ée è zě awǐnnya dó bló ná lɛ́ɛ kpó. Vodún énɛ́ lɛ́ɛ ká nɔ mɔ nǔ ǎ, yě ká nɔ́ se xó ǎ, yě ká lɛ́ tunwun nǔ ɖěbǔ ǎ. A nɔ ɖo vodún énɛ́ lɛ́ɛ sɛn wɛ, bó nɔ́ gɔn susu kpa nú Mawu e sín alɔ mɛ funfún towe kpó nǔ e gbɛ towe ná nyí ɔ́ kpó ɖe é.

Nǔ e alɔ ɔ́ wlán lɛ́ɛ ɖíe, ɖǒ tó: ‘Mɛnɛ́ɛ, Mɛnɛ́ɛ, Tekɛli, Palusíin.’ Tínmɛ yětɔn lɛ́ɛ ɖíe, ɖǒ tó: ‘Mɛnɛ́ɛ’ ɔ́ sín tínmɛ nyí nǔlínlɛ́n. É ɖo ɖiɖɔ ɖo fínɛ́ wɛ ɖɔ Mawu lɛ̌n lě e a ɖu axɔ́sú gbɔn ɔ́ lobo ɖó axɔ́súɖuɖu towe te. ‘Tekɛli’ ɔ́ sín tínmɛ nyí gandida. É ɖo ɖiɖɔ ɖo fínɛ́ wɛ ɖɔ è sɔ́ we ɖó nǔdagan jí lobo da, bó mɔ ɖɔ a kún da gan ó. ‘Palusíin’ ɔ́ sín tínmɛ nyí nǔmímá. É ɖo ɖiɖɔ ɖo fínɛ́ wɛ ɖɔ è mǎ axɔ́súɖuto ɔ́ nú Mɛdinu lɛ́ɛ kpó Pɛ́sinu lɛ́ɛ kpó.”