Popular Bible Verses from Kolósinu 1

Share

Nǔgbó ɔ́, é yí mǐ sín zǐnflú sín hlɔ̌nhlɔ́n sí, bó sɔ́ mǐ ɖó Vǐ tɔn vívɛ́ná ɔ́ sín axɔ́súɖuto mɛ.

Đó jǐ tɔn wɛ Mawu bló nǔ e ɖo jǐnukúnsin lɛ́ɛ kpódó ée ɖo ayǐkúngban jí lɛ́ɛ bǐ kpán gbɔn: nǔ e mɔ wɛ è ɖe lɛ́ɛ kpódó ée è ma ɖo mimɔ wɛ ǎ lɛ́ɛ kpó, hlɔ̌nhlɔ́n nǔɖoyɛswímɛ tɔn lɛ́ɛ, gǎnhúnǔtɔ́ lɛ́ɛ, gǎn lɛ́ɛ kpódó acɛkpikpa lɛ́ɛ kpán; jǐ tɔn wɛ Mawu bló nǔ lɛ́ɛ bǐ gbɔn, bɔ nǔ lɛ́ɛ bǐ nyí étɔn.

É ko tíin cóbɔ nǔ lɛ́ɛ bǐ wá tíin; é wɛ hɛn nǔ lɛ́ɛ bǐ ɖó tɛn yětɔn yětɔn mɛ, ɖo bǔ e yě ɖe xá ɛ ɔ́ mɛ.

Klísu ɔ́, akpajlɛ́ Mawu e è ma nɔ mɔ ǎ ɔ́ tɔn wɛ é nyí. Nukɔngbéví wɛ é nyí, bó hú gǎn nǔ e Mawu bló lɛ́ɛ bǐ.

Énɛ́ ɔ́ wú wɛ sín gbe e gbe mǐ se xó mitɔn ɔ́, mǐ nɔ́ gɔn ɖɛ xó nú mi ǎ. Mǐ nɔ́ byɔ́ Mawu ɖɔ ní ná nǔnywɛ́ kpódó nukúnnú-mɔjɛnǔmɛ e Yɛsinsɛn nɔ ná mɛ ɔ́ kpán bǐ mi, bónú mi ná tunwun jlǒ tɔn titewungbe. Énɛ́ ɔ́, mi ná sixú nɔ zán gbɛ mitɔn lě e Aklúnɔ jló gbɔn é, bó ná nɔ wa nǔ e nɔ́ nyɔ́ nukún tɔn mɛ ɔ́ hwebǐnu. Mi ná nɔ́ wa nǔ ɖagbe tɛnmɛ tɛnmɛ lɛ́ɛ, bó ná nɔ́ ɖo Mawu tunwun d'é jí wɛ.