Popular Bible Verses from 2 Kɔlɛ́ntinu 9

Share

Mawu ɖó acɛ e ná ná nǔ ɖagbe ɖagbe tɛnmɛ tɛnmɛ lɛ́ɛ bǐ mi é, é ná ná mi, bɔ é ná túnflá, bónú mi ná ɖó nǔ e ɖo tají nú mi lɛ́ɛ bǐ hwebǐnu, bó ná zán, bɔ é ná lɛ́ kpo ɖo mi sí ganjí, nú azɔ̌ ɖagbe lɛ́ɛ bǐ.

Hǔn, mɛ ɖokpó ɖokpó ɖó ná ná nǔ mɛ lě e é lin gbɔn ɖo ayi tɔn mɛ é; ní ma ná nǔ mɛ, bónú é lɛ́ vɛ́ n'i, abǐ ní nyí dandan sín nǔ n'i ó. Đó Mawu yí wǎn nú mɛ e nɔ ná nǔ mɛ kpódó xomɛhunhun kpó é.

Mi ka flín xógbe élɔ́: mɛ e dó jinukún kpɛví ɖé ɔ́, kpɛví ɖé wɛ é nɔ ya; mɛ e ka dó gěgé ɔ́, gěgé tɔn wɛ é nɔ́ ya.

Mawu e nɔ ná jinukún nǔkúndótɔ́, bó nɔ́ ná nǔɖuɖu, bɔ è nɔ ɖu ɔ́ ná ná jinukún e hudó mi ɔ́ bǐ mi, bó ná zɔ́n bɔ é ná su, bɔ hwɛjijɔ e mi ɖó ɔ́ ná ná sínsɛ́n gěgé. É ná dó dɔkun gěgé nú mi hwebǐnu, bónú mi ná sixú nɔ ɖe xlɛ́ hwɛhwɛ ɖɔ émí nɔ́ ná nǔ mɛ kpó xomɛhunhun kpó, bɔ mɛ gěgé ná nɔ́ dó kú nú Mawu ɖó nǔ e mi nɔ ná, bɔ mǐ nɔ́ sɔ́ yi jó nú yě lɛ́ɛ wú.

Mi nú mǐ ná dó kú nú Mawu ɖó nǔníná tɔn e d'agba bɔ è ma sixú jlɛ́ ǎ é wú.