Popular Bible Verses from 2 Kɔlɛ́ntinu 6

Share

Mi ma kpé nǔɖé xá mɛ e ma ɖi nǔ nú Klísu ǎ lɛ́ɛ ó: yě nyí mɛ e è nǎ kpé nǔ xá ɖé ǎ. Nǔgbó ɔ́, nɛ̌ mɛ e nɔ wa nǔ e sɔgbe ɔ́ ká sixú kpé nǔ xá mɛ e ma nɔ wa nǔ e sɔgbe ǎ ɔ́ gbɔn? Nɛ̌ wěziza ka sixú nɔ bǔ xá ablu gbɔn?

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

Énɛ́ ɔ́ wú wɛ Aklúnɔ ɖɔ: “Mi ɖó ná gosín yě mɛ, bó ná klán xá yě; mi ma ɖó alɔ nǔ e nyí suɖunú ɔ́ ɖě wú ó, énɛ́ ɔ́, nyɛ ná yí mi. Un ná nyí tɔ́ nú mi, bɔ mi ná nyí vǐ súnnu kpó vǐ nyɔ̌nu kpó nú mì; nǔ e Aklúnɔ Nǔbǐwúkpétɔ́ ɔ́ ɖɔ ɔ́ nɛ́.”

Nɛ̌ Klísu ka sixú ɖó gbe kpɔ́ xá awǒvi gbɔn? Abǐ ani wɛ mɛ e ɖi nǔ nú Klísu ɔ́ sixú kpé xá mɛ e ma ɖi nǔ nú Klísu ǎ é?