Popular Bible Verses from 2 Kɔlɛ́ntinu 4

Share

Đó nǔ e è nɔ mɔ ɖó nukún wú ɔ́ jí wɛ ayixa mǐtɔn ɖe ǎ; lo ɔ́, nǔ e è ma nɔ mɔ ɖó nukún wú ǎ ɔ́ jí wɛ ayixa mǐtɔn ɖe. Nǔ e è nɔ mɔ ɖó nukún wú ɔ́, hwenu kpɛɖé jɛ́n wɛ é nɔ́ nɔ ayǐ ná; lo ɔ́, nǔ e è ma nɔ mɔ ɖó nukún wú ǎ ɔ́, é nɔ́ nɔ ayǐ káká sɔ́yi.

Nǔ e wútu awakanmɛ ma nɔ kú mǐ ǎ ɔ́ nɛ́. Nú nǔ e mǐ nyǐ ɖo agbaza mɛ ɔ́ ná bo ɖo gblěgblé wɛ ɔ́, nǔ e mǐ nyí ɖo Yɛsinsɛn li jí ɔ́ nɔ ɖo hlɔ̌nhlɔ́n mɔ wɛ ayǐhɔ́ngbe ayǐhɔ́ngbe. Wǔvɛ́ kpɛ e mɔ wɛ mǐ ɖe din nú hwenu ɖé ɔ́ nɔ́ bló susu mavɔ mavɔ ɖ'ayǐ nú mǐ, bɔ é nɔ́ túnflá; susu énɛ́ ɖo tají hú wǔvɛ́ e mɔ wɛ mǐ ɖe din é ɖaxó.

Nǔgbomɛ alɔkpa alɔkpa lɛ́ɛ nɔ ɖo go ján dó mǐ wɛ; lo ɔ́, yě nyínyɛ́ mǐ ǎ; mǐ sɔ́ tunwun lě e mǐ ná wa nǔ gbɔn ɔ́ ǎ; lo ɔ́, mǐ mɔ ɖɔ nǔ bǐ ko vɔ ǎ. È ɖo ya dó nú mǐ wɛ; lo ɔ́, Mawu jó mǐ dó ǎ; è nɔ ɖo mǐ zín dó ayǐ wɛ, mǐ ka dɔn ǎ.

Lo ɔ́, mǐ mɛ e sí dɔkun Yɛsinsɛn tɔn énɛ́ ɖe lɛ́ɛ ɔ́, kozɛ́n ɖɔhun wɛ mǐ cí, bónú è nǎ mɔ ganjí ɖɔ hlɔ̌nhlɔ́n aditi énɛ́ ɔ́, Mawu tɔn wɛ; é kún nyí mǐtɔn ó.

Yě ɖi nǔ ǎ; ɖó gǎn nyanya gbɛ élɔ́ tɔn ɔ́ va nukún ayixa yětɔn. Mawu gbɛ élɔ́ tɔn énɛ́ nɔ lɔn nú yě ná mɔ wěziza e Wɛn Ɖagbe e ɖɔ xó dó susu Klísu tɔn wú ɔ́ nɔ ná mɛ é ǎ. Klísu ɔ́ wɛ nyí akpajlɛ́ Mawu tɔn titewungbe ɔ́.

Mawu e ɖɔ: “Wěziza ní kɔ́n sín ablu mɛ” ɔ́, é ɖokpó ɔ́ wɛ lɛ́ nyí mɛ e bló bɔ wěziza tɔn nɔ kɔ́n ɖo ayi mǐtɔn lɛ́ɛ mɛ é, bónú mǐ ná ɖó nǔnywɛ́ wěziza tɔn e nyí susu Mawu tɔn é; susu Mawu tɔn e ɖo kínkɔ́n wɛ ɖo Klísu sín nukún mɛ é.