Popular Bible Verses from 2 Kɔlɛ́ntinu 1

Share

Mi nú mǐ ná kpa Mawu Aklúnɔ mǐtɔn Jezu Klísu sín Tɔ́; Tɔ́ nǔbláwǔkúnúmɛtɔ́ wɛ é nyí, bó nyí Mawu e nɔ dó gbɔ nú mɛ ɖo ali bǐ nu é. É nɔ dó gbɔ nú mǐ, ɖo wǔvɛ́ e mǐ nɔ́ mɔ lɛ́ɛ bǐ mɛ, bónú mǐ ná sixú sɔ́ gbɔ e é dó nú mǐ ɖésúnɔ ɔ́ dó dó gbɔ nú mɛ e ɖo wǔvɛ́ tɛnmɛ tɛnmɛ mɔ wɛ lɛ́ɛ.

Nǔgbó ɔ́, lě e mǐ ji ya gěgé xá Klísu gbɔn ɔ́, mɔ̌ ɖokpó ɔ́ jɛ́n Mawu na dó gbɔ gěgé nú mǐ gbɔn Klísu jí.

Mǐ ko vɛdó ɖɔ kúhwɛ wɛ è ɖǒ nú mǐ sín; nǔ nyí mɔ̌, bó ná kplɔ́n mǐ ɖɔ mǐ ní ma nɔ ɖó jiɖiɖe dó mǐ ɖésúnɔ wú ó; lo ɔ́, mǐ ní nɔ ɖó jiɖiɖe dó Mawu e nɔ fɔ́n mɛkúkú lɛ́ɛ ɔ́ kɛ́ɖɛ́ wú.

Bɔ Mawu ɖésúnɔ wɛ nɔ ná lǐnsyɛ́nsyɛ́n mǐ kpó mi kpó ɖo gbɛ e mǐ nɔ́ zán ɖo Klísu mɛ é mɛ. Mawu ɖésúnɔ wɛ ɖe mǐ ɖó vo. É wɛ sɔ́ nyǐkɔ tɔn dó ɖó wuntun mǐ, bó kɔn Yɛsinsɛn dó ayi mǐtɔn mɛ; é wɛ ná gǎnjɛwú mǐ ɖɔ mǐ ná mɔ ɖagbe e é sɔ́ ɖ'ayǐ nú mǐ lɛ́ɛ yí.

Ényí mǐ ɖo ya ji wɛ ɔ́, è nǎ dó gbɔ nú mi, bó ná hwlɛ́n mi gán wú wɛ; ényí è dǒ gbɔ nú mǐ ɔ́, è nǎ dó gbɔ nú mi wútu wɛ. Gbɔdónúmɛ énɛ́ wɛ ná zɔ́n, bɔ mi ná dɛ ɖo ya ɖokpó ɔ́ e ji wɛ mǐ ɖe lɛ́ɛ nu kpó suúlu kpó.