Popular Bible Verses from 1 Piyɛ́ɛ 2

Share

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi. Đó lɛ̌ngbɔ́ e bú lɛ́ɛ ɖɔhun wɛ mi cí ɖ'ayǐ; amɔ̌ din ɔ́, è ko lɛ́ kplá mi wá mɛ e nyí lɛ̌ngbɔ́nyitɔ́ mitɔn, bó nɔ cɔ́ mi ɔ́ gɔ́n.

Mi nyí togun Mawu tɔn ɖ'ayǐ ǎ; amɔ̌ din ɔ́, togun tɔn wɛ mi nyí; é kú nǔbláwǔ nú mi ɖ'ayǐ ǎ; amɔ̌ din ɔ́, é kú nǔbláwǔ nú mi.

Mi cí vǐ yɛ̌yɛ́ lɛ́ɛ ɖɔhun: lě e vǐ yɛ̌yɛ́ lɛ́ɛ nɔ ba ná nu anɔ̌sin hwɛhwɛ gbɔn ɔ́, mi ba Mawuxó e ná zɔ́n bɔ mi ná su ɖo nǔɖiɖi mɛ, bó ná mɔ hwlɛngán yí din e mi ɖɔ́ xomɛnyínyɔ́ Aklúnɔ tɔn kpɔ́n é.

Mɛvívɛ́ná ce lɛ́ɛ mi, mi mɛ e nyí jǒnɔ bó nyí aligbɔntɔ́ ɖo ayǐkúngban jí lɛ́ɛ ɔ́, un ɖo byɔ̌byɔ́ mi wɛ ɖɔ mi ma lɔn nú jlǒ gbɛtɔ́ tɔn e nɔ ɖo ahwan fun xá ayi wɛ lɛ́ɛ ní ɖu ɖo mi jí ó. Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.

Hǔn, mi bo jó adǎnúwiwa alɔkpa alɔkpa bǐ dó; mi jó nǔvúɖíɖó bǐ dó; mi jó yɛmɛnúwiwa dó; mi jó wǔhwinhwan kpó xó nyanya ɖɔ dó mɛ wú bǐ kpó dó.

Mi sɛkpɔ́ Aklúnɔ, awǐnnya gbɛɖe e gbɛtɔ́ lɛ́ɛ xo nyi kɛ́n, bɔ Mawu ka mɔ dó mɔ awǐnnya xɔ akwɛ́ bó sɔ́ é

Mi zán gbɛ mitɔn mɛ e ɖo éɖée sí é ɖɔhun; amɔ̌ mi ɖésúnɔ sí e mi ɖe ɔ́ ní ma nyí avɔ bónú mi bú dó nǔ nyanya ó; lo ɔ́, mi wa nǔ mɛsɛntɔ́ Mawu tɔn ɖɔhun.

Nǔgbó ɔ́, nǔ e Mawu jló ɔ́ wɛ nyí ɖɔ mi ní nɔ wa nǔ ɖagbe, bó ná dó xwe yě mɛ e ma tunwun nǔɖé ǎ lɛ́ɛ kpó xlonɔ lɛ́ɛ kpó sín nu dó xɔ.