Popular Bible Verses from 1 Kɔlɛ́ntinu 6

Share

Mi tunwun ɖɔ agbaza mitɔn ɔ́, Yɛsinsɛn e Mawu ná mi, bɔ é ɖo mi mɛ ɔ́ sín sinsɛnxɔ wɛ é nyí ǎ cé? Mi nyí mi ɖésúnɔ tɔn ǎ: axivɛ́nu wɛ Mawu xɔ mi, lobo sú axɔ́. Hǔn, mi bo zán agbaza mitɔn dó kpa susu nú Mawu.

Dandan mɛ ɔ́, mi tunwun ɖɔ mɛ e ɖo nǔ nyanya wa wɛ lɛ́ɛ kún ná mɔ tɛn ɖo axɔ́súɖuɖu Mawu tɔn mɛ ó; mi ma blɛ́ miɖée ó: agalɛtɔ́ lɛ́ɛ, vodúnsɛntɔ́ lɛ́ɛ, mɛsibatɔ́ lɛ́ɛ, nyɔ̌nu e nɔ dó afɔ gbě lɛ́ɛ, súnnu e nɔ ɖó xó xá súnnu yětɔn ɖɔhun lɛ́ɛ, ajotɔ́ lɛ́ɛ, mɛnújlótɔ́ lɛ́ɛ, ahannumúnɔ lɛ́ɛ, mɛnúɖɔtɔ́ abǐ ajotɔ́ axánsúnxó lɛ́ɛ ɔ́, yě ɖě ná mɔ tɛn ɖo axɔ́súɖuɖu Mawu tɔn mɛ ǎ.

Mi hɔn nú agalilɛ. Hwɛ ɖěvo ɖěbǔ e gbɛtɔ́ ná hu ɔ́, hwɛ énɛ́ ɔ́ ɖo zɔ nú agbaza tɔn; amɔ̌, mɛ e lɛ aga ɔ́ hu hwɛ dó agbaza é ɖésúnɔ tɔn.

Mɛ ɖé lɛ́ɛ ɖo mi mɛ, bó nɔ ɖɔ: “Nǔ bǐ sín gbe wɛ è nǎ mì.” Nǔgbó wɛ! É ɖo mɔ̌ có nǔ lɛ́ɛ bǐ ka nyɔ́ nú mi ǎ. Un sixú ɖɔ: “È nǎ nǔ bǐ sín gbe mì”; amɔ̌, un ka ná jó nyɛɖée dó, bó na húzú kannumɔ nǔ ɖěbǔ tɔn ǎ.

Mawu fɔ́n Aklúnɔ wá gbɛ: é ná fɔ́n mǐ lɔmɔ̌ wá gbɛ gbɔn hlɔ̌nhlɔ́n tɔn gbla mɛ.