Popular Bible Verses from Lom 8

Share

Beetu tuyaari kuri ti, byobinso bisalisinaana mu bubwe bwa batyaanaa Nzaambi, babo bakari kateele mbila bunu buri bitaasi byaandi.

Mukwongo, me nyirikiri kuyaaba ti hayuku lufwa, bumwooyo, bambasi, bangaa-lutumu, misamu mya lolo di bunu mpe mya ntaangu yikwiisa, mpinu, kudzaangama, musundu, ti hayuku kiyiriki kikimi ka kitsiitsa kuhaambula beetu ko, na ntiilu ya Nzaambi, yiri mu Kiristo Yesu, Mfumu yeetu.

Bunubwo se, Mpeeve yikwiisaana mu kutubakisa mu bubolo bweetu, bukuri twahele kuyaaba kusaambila bunu buyelemini. Kasi Mpeeve nde-meene, wutunwanikinaa mu lusaambulu mu nkuumunu, yahele na bwa kubangukila.

Ngo nki tuleele mu mamo? Mbuti Nzaambi wuri na beetu, lo na wubwiisa beetu?

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Ndyaatulu ya muswinyi yinataa ku lufwa, ngo kasi ndyaatulu ya Mpeeve yinataa ku bumwooyo na ku kiyeengi.

Kasi mu momanso mamo, beetu tubvuriri kuba baluuluka mu wunde watutya.

Me nyitsima ti, mpasi dza lumalu dzahele kuyelemene, na nkeembu mbasi-tsuku wuba wayabakana kuri beetu.

Na wutuhaambila na ntiilu ya Kiristo? Buri manyoongi, kinkuukulu, nkwamusunu, nzala, mpene, nsisi, bunu pe mbeesi yayila?

Wunde wufyongokinaa mitima myeetu, yaari bunu buri bitsimi bya Mpeeve, bukuri wunwanikinaa bangisi mu lusaambulu, bunu bu tiiriri Nzaambi.

Mukwongo, bobanso batwaalusu mu Mpeeve Nzaambi, babo ngo baala ba Nzaambi.

Mukwongo, babo bari mu muswinyi, bakwedyaatila bunu buri mi tiiri muswinyi; ngo kasi, babo bari mu Mpeeve, bakwedyaatila bunu buri mi tiiri Mpeeve.

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

Mpeeve yo-meene, yita kimbaangi kuri kiluunsi kyeetu, ti beetu turi baala ba Nzaambi. Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

Hango-nkuumbu, ndyaatulu ya muswinyi yiri kitaatu na Nzaambi, yahele kutumuma mu mangisi ma Nzaambi, na ka yitsiitsa kubangisina ko.

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

Mukwongo, beetu tuyaari ti nsi yoyinso yiri mu kwekuuma, na kwenyonyomoko mu misoongo mya mbutulu, natee mu lumalu.