Popular Bible Verses from Lom 10

Share

Mbuti ye leeriri mu munwa waaku ti Yesu ngo Mfumu, na siiriri kanyi mu mutima waaku, ti Nzaambi wamufulukisa mu bafwa, lo ye sa bvuuka.

Mukwongo, mu mutima bakoosiilaa kanyi mu kubaka nsungumunu, na mu munwa bakootambukilaa mu kubaka mvuukulu.

Hango, kanyi difumunaa mu mi bayukaa, mi bayukaa mu maampu ma Kiristo.

Mukwongo, Matinu maleele ti: «Mpisi wunde wusiila kanyi mu nde, lo kafwa nsoni ko.» Mukwongo, kwahele nsobokoso ha kakati dya Muyudayo na Muhelene. Bukuri bobanso Mfumu mosi, wuri kisina kuri bobanso bakoomuteelaa mbila. Mukwongo: «Mpisi wunde wuteele nkuumbu ya mfumu, lo sa kaba kabvuuka.»

Na buri bayabisila, mbuti bahele kubaheeke? Bunu bu diri dyatinu ti: «Miri myamibwete, miilu mya babo bakweyaabisa misamu myamibwete!»

Ngo dyaburi bateelele wunde wuri bahele kumusiila kanyi? Dyaburi basiila kanyi mu wunde wuri bahele kuyuka badzoonsolo mu nde? Dyaburi bayukila, mbuti kwahele wuyaabisa?

Bukuri Kiristo ngo nsukulu ya mangisi, mu ntoono nsungumunu, ya mpisi wunde wusa kanyi.