Popular Bible Verses from Roma ma 12

Share

Ke me dimma ne naa ge dunya ge ma̰ ge ma ne ke go to, amma ya̰ me Dok er aŋ ne hon aŋ o̰yom ge giya̰l, ne da pe aŋ ba ga kwa laar ɓyareya ge Dok ne: ndwara go, kaŋ ge kwaɗa, kaŋ ge ne ke Dok sḛ tuli, ne kaŋ ge mbyatɗa tap.

Mbi moɗege aŋ ɗe, ná vya ma, ne kwa a̰se ge Dok ne ta, tyare me aŋ sḛ duur ma dimma ne tuwaleya ge ne ndwara go, ge harcal, kaŋ ge ke Dok sḛ tuli: no a ke Dok temel ge ne na viya̰ go ne.

Ka me ne laar saal jobreya zi, wa̰ me ta yál njotɗa ma zi, ho̰ me ta kaɗeya ne á ta.

Yá̰ sone hal mo to, amma há sone ne kwaɗa kerra.

Fare ge laar wan ná vya ma ne ɗe, ke me ta pe, hormo hon ta zi, ndi me aŋ kaam ma dimma ne nama ne waɗe aŋ waɗe go.

Laar wanna na ka be mbuɗiya. Sḛ me kaŋ ge sone, mbarge me ne kaŋ ge kwaɗa.

Kadɗa na day day, mbyatɗa ge aŋ ne pal, ká me swaga halas ne naa pet.

Mbi ná vya ge laar wanna ma, kaage aŋ gele ta ne aŋ pala to, amma ya̰ me sarya kunna Dok tok go. Ago a njaŋge go: «A mbi gele naa ne, a mbi mbo gwan ne naa potɗa ne,» Bageyal jya̰ ne.

Há me ta digi, kaage aŋ ke uwal to, ke me temel ge Bageyal ne ne sḛ fogor.

Ago ne bobo ge a ne ho̰ mbi na ta, mbi jan ndu ge daage ge ne aŋ buwal zi go: na kaage ndu ge daage ndi tene waɗeya to, amma ká me ne haŋgal ge jwap, dimma ne varra ge hon fareba ne ge Dok ne ho̰ ndu ge daage go.

Gwa̰ ne ndu sone potɗa ne sone to. Ke me kaŋ ge kwaɗa naa ndwara go pet.

Ka me ne dwatɗa ge ɗu. Jegre me ta to, ke me kondore ne naa ge be a̰me pe to ma, ndi me ta dimma ne naa ge zwama ma go to.

Amma kadɗa mo ndu ge ho̰l kyamal, ho̰ na kaŋzam, kadɗa mam njuwal ke na ne, ho̰ na njotɗa, ago swaga ke go mbe no go, mo kote uwara wak yeŋgel ma na pala digi.

E me wak busu nama ge a ne ke aŋ yál ma pal, é me wak busu, amma vḛne me aŋ wak to. Ke me laar saal poseya ne nama ge ne ke laar saal ma, fya me poseya ne nama ge ne fyal ma.

Mbá me naa ge mbegeya ma, ame me gwasal ma.

Ne jo̰ nee duur ɗu, ne swaga ma hini hini go, nama sḛ ma pet a ke be temel ge ɗu ge pe to, go no me, nee gḛ, nee sḛ duur ge ɗu Kris zi, nee pet nee ɓanna digi dagre ne ta.