Popular Bible Verses from Roma ma 1

Share

Ago mbi waage fare ge kwaɗa be saaso: na sḛ pool ge Dok ne ge ne má ndu ge daage pet ge ne hon fareba, Yuda ma zḛ ɓya, ba det ya Grek ma ta gale.

Ago Dok hat naa dasana ma dosol na ndwara se da ne na ta, ne hon fareba ta ɗeŋgo, ne hon fareba pe, dimma ne a ne njaŋge go: «Ndu ge dosol ne hon fareba ta ba kat ne ndwara.»

Ne pe dolla ge dunya ne ya day, fare ɗimil ge na ne dya̰ dyan naa ndwara go ne kaŋ kerra ge na ne ma ta, ndwara go pool ge na ne ge ɗiŋnedin ma ne dir ge na ne. Ne no pe, poreya ne naa dasana ma pe to.

Ne jo̰ a kwa Dok puy ɗe, a be hon na hormo, ko a gwan ne gugu hon na dimma ne Dok go to. Amma a yá̰ ta ya̰meya ge dwatɗa ge baŋ yak ma pe go, nama pala ge be kwa fare to, gwan dwat dwatɗa ge jwap to.

Nama ge a ne er fareba ge Dok ne ne kaŋ ge hale, a ga uware kaŋ dolla ma, ne ker nama temel mo̰r, ge a te ya uware Bage dolla, ge ne mbya uwareya ɗiŋnedin! Ago!

Ne digi ya, pore ge Dok ne dyan ja ndwara ke ho̰l ne naa ge ne sen Dok ma, ne naa ge be dosol to ma pal, nama ge dosol to ge bama ne zi a ne ndal fare ge fareba bama koo zi ma.

Da ne pe no, Dok ɓya̰ nama fare kerra ge saaso ma zi no, ago nama gwale ma er kaŋ ge ne mbya kerra ya ne kaŋ ge ne mbya kerra to. Naa sonmo ma me, a ya̰ kaŋ ge ne mbya kerra ne naa zaab, a ga olbe ene ta ta, naa sonmo ma ta buwal zi a ga ke kaŋ ge saaso ma, a go no, nama sḛ ma ɓol potɗa ge ya̰meya ge bama ne no. Ne jo̰ nama sḛ ma kuri go bama kwa Dok to, Dok ɓya̰ nama nama dwatɗa ge sone ma zi, a go no a gá ker kaŋ ge ne mbya kerra to ma no.

A ke ta naa ge zwama ma, a saŋge ya naa ge dale ma. Ge nama uware Dok ge hormo ge ɗiŋnedin, a ga ya uware naa dasana ma ge ne su su baŋ ma kḭḭm ma, ne njoole ma, ne kaŋ ge ne kḛ ma, ne ge ne sar ma.