Popular Bible Verses from Matta 7

Share

Kaɗe me, a mbo hon aŋ, ɓyare me, aŋ mbo ɓol, dabe me, a mbo hage aŋ.

Ago ndu ge daage pet ge ne kaɗe a hon na hon, ndu ge ne ɓyare ɓol ɓol, ndu ge ne dabe a hage na hage.

Ndu ge daage pet ge ne za̰ mbi fare mbe ma no, ke temel nama pal, mbo kat dimma ne ndu ge zwama ge ne sḭ na zok ne go̰y pal go.

Kaŋ ge daage pet ge aŋ ne ɓyare go naa nama ke aŋ na, ke me ne nama go no me, no a eya ma ne hateya ge anabi ma ne ne.

Amma zok wak ge gorse, ne viya̰ ge bermem gene mbo ndwara zi, naa ge ne ɓol na ma ŋgeɗo.

Wá me ne zok wak ge gorse! Ago zok wak ge a̰l, ne viya̰ ge fiyal gene naa banna zi, naa gḛ a hé na go.

Aŋ ge sone ma zo me, aŋ kwa kaŋ ge kwaɗa ma hon aŋ vya ma kwa, ba kat da ne aŋ Bá ge ne digi zi ya ba kwa kaŋ ge kwaɗa hon nama ge ne kaɗe na ma to ɗaa?

Kṵ me sarya naa pal to, go no, a mbo kun sarya aŋ pal to me. Ago ne sarya hir ge aŋ ne kun naa pal, a mbo kun sarya aŋ pal go no me. Ne puwa̰l ŋgayya ge aŋ ne ŋgay hon naa, a mbo ŋgay hon aŋ ne na go no me.

Amma ndu ge daage pet ge ne za̰ mbi fare mbe ma no, ke temel nama pal to, mbo kat dimma ne ndu ge daal ge ne sḭ na zok ne kafeɗem pal go.

Mo te kwa sugur ne mo ná vya ndwara fa̰ zi gyana ɗo, mo ba kwa uwara murguli ge ne mo ndwara fa̰ zi to ɗaa? Ko mo te jan mo ná vya gyana go na ya̰ mo hé sugur ge ne na ndwara fa̰ zi uzi ɗo, mo ba kat ne uwara murguli mo ndwara fa̰ zi me ɗaa?

Ke me haŋgal ne anabi ge hale ma. A mbo ya aŋ ta da ne tame ma gwabal, amma ne pul zi a bagomso ge kacage naa ma ne. Aŋ mbo kwa nama ne nama kaŋ kerra ma ta. A yel oyo̰r ma da ne kore ma ta ɗaa? Ko fere ma ne jam-foy ma ta ɗaa?

Uwara ge kwaɗa tol vya ge siŋli ma, amma uwara ge sone tol vya ge sone ma me.

Uwara ge kwaɗa ne pool tol vya ge sone ma to, uwara ge sone ne pool tol vya ge siŋli ma to me.

Uwara ge daage pet ge ne tol vya ge siŋli to, a syal na, a dol na ol zi.