Popular Bible Verses from Romaýguape Guare 8

Share

Ja yaicuaa opambae oipytyvôjá ipôrâ jaguâme umi Tûpâ Ñandeyárape ojayjúvape, umi oñejenôi vaecuepe voi, Jae oiporavó jagueicha.

Aicuaa pôrâite voi ndiporijá mbaeve ñandepeájarâ, pe ñemano yepe terâ ñande recové terâ yvapegua mbae, terâ mburuvicha cuera, terâ ipuacáva terâ pe coangagua terâ pe ou vaera, terâ pe yvategua terâ pe ybypegua terâ mbaeve iyapopyre, ndipori mbaeve umichagua mbae ñandepeá jarâ Tûpâ Ñandeyára ñande rayju jágui Ñandeyára Jesu Cristo rupi guagui.

Upeicha avei pe Espiritu ñanepytyvô ñande pituájápe. Upe yayerure vaerâ jecópe ñañemboe jápe nda yaicuaai, upe Espiritu voí oyerure ñande recoviá ipyajê asyvéjápe ñande icatuŷva yae gui.

¿Mbaépa yaeta, upeicharamo? Tûpâ Ñandeyára oi ramo ñanendive ¿avápa oine ñane moî vaí vaerâ?

Coanga, upeicharamo, ndiporivéima oñemoî vaíucá jaguâicha umi Cristo Jesus rejeguava

Ybypóra reco rupigua ramo ñande pyapypegua yaico ñamanovaicha, ja yvapegua reco Espiritu rejegua rupigua ramo ñande pyapypegua yaicovéeté ja ñande pyaguapy.

Opaichavevo opambae pype ore roguero puacáitevé catuetei upe ñande rayjujára rupi.

Ja ñande coanga rupi yajasa asyjá, che aimoâ ndajaéijá ñamboyoya jaguâicha pe yarojory vaerâ outava ja oyejechauca vaerâ ñandevepe.

¿Avápa, upeicharamo, ñandepeáne Cristo ñanderayjújágui? ¿Icatúpa yajasa asy terâpa ñaicôtevê terâpa ñande rapycuerigua terâpa ñembyajyi, terâpa opivo, terâpa ñane mombóiva, terâpa kyse pucu?

Ja pe ojechacuaava ñandepyapŷ, upéva oicuaa pe Espiritu rembipota, jae oyeruré járejente umi imarangatúvareje pe Tûpâ Ñandeyára reco rupi.

Opa umi oicóva Tûpâ Ñandeyára Espiritu po guype umíva Tûpâ Ñandeyára raŷ cuera.

Umi oicova ybypora reco rupi imanduá meme mbae ybypóra reco rupi gua reje, umi oicova yvapegua reco Espiritu rejegua rupi, imanduá umi mbae yvapegua reco Espiritu rejegua reje.

Upe Itaŷrateé reje yepe nda jâcâteŷi vaecue omeêvo yepe Ichupe opavave ñande rejejápe, ¿mbaeichapa nune nomeêichene ñandeve Jendive opambae avei jâcâteŷŷjápe?

Pe Espiritu voi oicuaaucá avei pe ñande pyape yaicuaava voi Tûpâ Ñandeyára raŷjá ñande. Ja ñande itayra ramo, ñande avei imbae rerecojarâ, Tûpâ Ñandeyára mbae rerecojarâ ñande voi, ja Cristo ndive ña nombae rerecojarâ, ñande yajasa asy ma guive Cristo ndive ñañembo tuvicha jaguâ Jendive avei ñande.

Upeicha ramo ybypóra reco rupi gua ramo ñande pyapypegua, yaico Tûpâ Ñandeyára ñamo tareŷjára ramo, ñañemoîse ŷ járeje Tûpá Ñandeyára ñeê jecopegua guype, ja ndicatuiete járeje ñandeyejegui voi.

Tapiá voi iñajô jicuai umi mymba yepe, ojaârôvo oyejechauca jaguâ umi Tûpâ Ñandeyára raŷcuera.

Yaicuaa voi opavave umi mymba yepe ipyajêjá oñondive ja iñajôjá jicuai peteî imemby rasy vaicha coanga peve yepe.