Popular Bible Verses from Romaýguape Guare 6

Share

Pe angaipa repycue voí upéva ñemano ja pe Tûpâ Ñandeyára remimeêmbyre rei voí, upeva pe tecové iyapyraŷva Jesu Cristo Ñandeyára rupigua.

Pe angaipa noñembo tuvichaichene ipuaca jaguâ pendereje. Ndajaei peê Moises ñeêngue rejeguáva, pe Tûpâ Ñandeyára pya pôrâ rejeguavante peê.

Upeicharamo ñande voi ñañeñoty Jendive voí imano jaguepe ñañe mongarai jague rupi, icatu jaguâ Cristo oicove yeby jagueicha umi omano vaecue apytegui pe Tûvâ Ñandeyára puaca tuvicha rupi, upeicha ñande avei yaico co ñande reco ipyajúvape.

Upeicha avei ani peiporucá pende rete pe angaipápe pe tecovaí rembiporu ramo, upea rangue peyeporucá Tûpâ Ñandeyárape peicove yeby vaicha omano vaecue apytegui, ja peiporucá pende rete Tûpâ Ñandeyárape pe teco pôrâ rembiporu ramo.

Cova yaicuaa voi pe ñande reco ituyáva oñemoî jague curusu reje Jendive voí, icatu jaguâ co ñande reco ybypóra angaipavóra rejeguáva oñembyaipa yayeyocuáiucá-vé-ŷ-jaguâ co angaipápe.

Upeicha avei peê peyerereco añete pemano vaecueicha angaipa gui ja peyerereco peicovéva ramo Tûpâ Ñandeyárape, Cristo Jesúrejegua járeje peê.

Upeicha ramo mbaépa yaeta? ¿Ñañemo angaipa tapiápa Tûpâ Ñandeyára pya pôrâ oñemboyoá jaguâ ñandeve? Mbaevéicharamo! Ñande ñañemo manova pe angaipa gui, ¿maichapa icatune yaicove ipype yepe gueteri?

¿Nda peicuaaipa oime ramo peteîva peyeporucajá jembiguai ramo, peê pene ñeê rendu jaguâ ichupe, upéva pene ñeêrendújá, upeva rembiguai peê, pe angaipa rembiguai peê pemano jaguâ, terâ pe neê jecopegua rembiguai peê peico jaguâ jecópe.

Anga yarojorŷna Tûpâ Ñandeyárape! angaipa rembiguai rire yepe peê, peê pene ñeêrendúnerae pende pyaite guive pe temimboe jecopegua peñemboe jaguepe. Ja coanga peñerenôjêma ramo pe angaipa guŷ gui, peyeyapomanerae pe teco marangatu rembiguai ramo.