Popular Bible Verses from Romaýguape Guare 14

Share

Pe Tûpâ Ñandeyára reco marangatu ndajaei yacaru terâ yacau jaguâ, ñande reco pôrâ jaguânte ñandepya guapy jaguâ ja ñande pya rory jaguâ pe Espiritu Santo rupi. Ja oimeraêva coicha oyeyocuaiucáva Cristope oguerojory Tûpâ Ñandeyárape ja umi carai cuera omombeu guasu ichupe.

Upeicharamo, yaicové ramo, yaicové Ñandeyára rejejape ja ñamano ramo ñamano Ñandeyára rejejápe. Upeicharamo yaicové ramo terâ ñamano ramo, Ñandeyára rejeguante ñande.

Upeicharamo ñañejaâ tapiá pe teco kîrîrî rejeguarâ ja ñañopytyvô jaguâ avei oñondive ñande reco pôrâ jaguâ.

Upeicharamo, anive ñañomoâ oyoejecuera, upea rangue ñañejaâ ani ñamoî oñepysangá jaguâ terâ joa vaí jaguâ ñande reŷicuera.

Oime voi Santa Escriturape oyeé vaecue: Che aicove, jei Ñandeyára, ja Che renondepe voi oñesû vaerâ opava renypya, ja opavave yuru rupi voi oñemombeupa vaerâ Tûpâ Ñandeyárape. Upeicharamo, opavave ñande peteî teîva oñemombeu vaerâ oyejegui Tûpâ Ñandeyárape.

Perojory ramo pe ipuacaŷvape oyeroviacatu ŷ vape, ani peico jendive peyuaby jaguânte ñeême.

Nde, ¿avápa nde remoî vaíva pe ambuecue rembiguaipe? Pe icaraípente oñemboŷ jecópe terâ joa jecoŷme. Ja jae oñemboŷne catuetei, Ñandeyára voí ombopuacá járeje ichupe oñemboŷ ja opyta jâtâ jaguâ.