Popular Bible Verses from Rômiunut 8

Share

Kaujimavogulle Gûdemik nagligosuktut ᴋanoelinganerit tamaita idluarᴋutigingmagit, (Gûdib) issumasimaninganut ᴋaiᴋojaumajut.

Kaujimavikama, toᴋublônêt, inôtsiblônêt, Engeliblônêt, nâlegaunîllônêt, pitsartunerillônêt, naliusimajullônêt, naliutsomârtullônêt, Kingingnerublônêt, itinerublônêt, assingitalônêt pingortisimajut avititsunangimatigut Gûdib naglingninganit, Kristuse Jêsuseme Nâlegaptingnêtomit.

Taimaktauᴋ sangêniptingne Anernerub ikajorpâtigut. Tuksiarnermik ᴋanoᴋ nâmaktomik nalogapta; Anerneruble nangmineᴋ akkisartorpâtigut anersaumijunut oᴋautaujungnangitunut.

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Tagva mâna erᴋartoraksautsangilat Kristuse Jêsusemêtut, uvinik malingnago Anernerle maliklugo arvertartut.

Uvinguble issumanga toᴋôvoᴋ, Anerneruble issumanga inôsiolarmelo ulapirsautauvoᴋ.

Tamakkoale tamaita atorlugit ajugauluarpogut uvaptingnik nagligosuktokut.

Issumavikkama, naliutub tamattoma kappianarningit adsigêktitaksaungimatta ânanaunersoarmut saᴋᴋijârtitaujomârtomut uvaptingne.

Kia avitsungnarpâtigût Kristusib naglingninganît? kiksarnerublônêt, kappianarnerublônêt unangmiklernerublônêt, kângnerublônêt, annorâᴋanginerublônêt, nangianarnerublônêt, saviksublônêt?

Omatinigle kiglisiniartub (Gûdib) ᴋaujimavâ Anernerub issumanga; tâpsoma ivjornaitut akkisartormagit Gûdib idluarijanganut.

Ilûnaita Gûdib Anerningata tassiortangit Gûdib ᴋitorngaringmagit.

Uviningmigle nâlaktut uvingub pingit issumagivait; Anernermiglo nâlaktut Anernerub pingit issumagivait.

Tâpsoma Ernine aglât ivlerinago tamaptale pivluta tunidlalauramiuk, tâmna illagilugo tamainik tunitsiviginajangilâtigût?

Anernerub tâpsoma anernivut ᴋaujitipait, ᴋitorngaugapta Gûdemut. Kitorngaugaptale, kingormgujijuksaugivoguttauᴋ, imaipoᴋ, Gûdemit kingormgujiluta, Kristuselo kingormgujeᴋatigilugo; kappianarnernik peᴋaᴋatigiguptigo, ânanauseᴋattaujomârᴋovlutatauᴋ.

Uvingub issumanga Gûdemik ômisungniongmat; Gûdib perᴋojangit nâlagomanginamigit, saperpaillo.

Pingortisimajulle Gûdib ᴋitorngangita nalonairtitauniksangat ilungertordlutik ᴋilanârivlugo utaᴋivât.

Pingortisimajut tamaita ᴋaujimavavut, anersaumeᴋatigivluta kappiasutsainarmatta mâna sulle.