Popular Bible Verses from Rômiunut 5

Share

Taimaimat Gûdib naglingnine uvaptingnik nalonaijarpâ, Kristuse pivluta toᴋolaungmat, sulle ajortoᴋsôtiluta.

Nerriungnerle kangusuktitsiniangilaᴋ. Gûdib naglingninga kovimangmat ômatiptingnut, Anernermut ajunginermut tunergusiarijaptingnut.

Taimaituinangilarle, kapianarnerille aglât nertôtigivavut; ᴋaujimagapta kapianarnerit ᴋenuersârtitsingmatta; Kenuersârnerle ôksimanermik ᴋaitsivoᴋ, ôksimanerle nerriungnermik ᴋaitsivoᴋ

Tagva okpernermut idluarsititaugapta, Gûdemut ulapirsauteᴋarpogut Nâlegaptigut Jêsuse Kristusikut. Tâpsomûnalo okpernermut apᴋotiksarsigapta saimanermut (nâpkigijaunermut) tamattomunga pigijaptingnut, nertôtivoguttauᴋ nerriungneᴋarnermik pinnarnartoᴋsoarmik, Gûdib tunijomârtanganik (okpertunut.)

Ajulidlalaurapta taipsomane, Kristusib naliutitsiartome toᴋotigivâtigut ajortoliksôtiluta.

Mâna tâpsoma aunganut idluarsititaumagapta, anginersamik tagva piulijigijomârpavut ningautsemit.

Sorlo inûb atautsib nâlangininganut unuktut ajorneᴋartitaulermatta, taimaktauᴋ atautsib nâlangninganut unuktut idluarsititaulerput.

Tamannale kissimeungitoᴋ, nertôtivogulletauᴋ Gûdeme, Nâlegaptigut Jêsuse Kristusikut, tâpsomûna mâna ulapirsaumik tunitsiviogapta.