Popular Bible Verses from Filippimiunut 1

Share

Tamattomingalo sungertûteᴋarvikpunga, ajungituliamik pigialauᴋtub ilupsingne, tâpsoma nâmaksitiniarivâ Jêsusib Kristusib uvluksangata naliuniksanga tikidlugo.

Tamannalo tuksiarutigivara, naglingnise pigannerpaliavlunelo aglivaliarᴋovlugo sunatuinarnik illisimanermiglo tukkisinermiglo: Kiglisiniarungnarᴋovluse suna ajunginerpaungmangât; nelâgôrᴋovluse, sinaungaᴋonaselo Kristusib uvluksangata naliuniksanga tikidlugo.

Kristuse inôgutigigapko, toᴋonerlo piksaᴋautigivara.

Gûde ᴋujagivara ilûnâne erᴋaumajarangapse

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Taimâk utakᴋivlunga ᴋilanâdlarlungalo neriukama, kangusuktitaunianginama sunalônêt pivlugo; (nerriukpungale) ilerasuktinanga, ilusiptut tamât mânatauᴋ aglât Kristuse angijomik timipkut nertortauniarmat, inôgumalônêt toᴋogumalômêt.

Kristuse pivlugo tunitjiviogapse, okpervigilugo kissianeungitoᴋ, kappiasuktitaujutigilugoletauᴋ.