Popular Bible Verses from Numbers 13

Share

Kâleble inuit nipoᴋsarpait Mosesib sângane, oᴋarlune: Takpaungalerta ingergainaᴋ nunalo perᴋutigilugo; sapilungimarigapta sâlagilugo.

Tagvanelo inukpait, Enakib erningit, inukpait kinguvângit, takovavut; ijiptalo sângine piglertaujartutitut ipogut, taimaipogullo tâpkoa ijingita sângine.

Takpaungarᴋatigijangille oᴋarput: Inuit tâpkoa sâlagijungnangilavut sôngonersaungmatta uvaptingnit.

Nunalo nautsertoriartorvigijangat oᴋautigiludlarpât Israêlikunut, oᴋarlutik: Nuna ingergarvigilauᴋtavut nautsertoromavlugo, nunauvoᴋ apᴋalajoᴋ inungminik, inuillo takojavut tagvane ilûnatik inôvat angijut.

Unipkautivaillo oᴋarlutik: Tikilauᴋpogut nunamut tiliklervigilauᴋtarnut uvaptingnik, naumânelo kôviovoᴋ imungmik igupsaujârtullo orᴋsuanik, tamadjalo tâpsoma paungangit.

Kissiane inuit tagvane nunalit sângovut, iglugasaksoangillo avaluliorsimavut angijoᴋsôdlarlutiglo; tagvanelo takolauᴋpogut Enakib ᴋitornganginik.

Amalekut nunaᴋarput nuname seᴋinerdlerme, Hittikullo, Jebusekullo, Amorekullo nunaᴋarput ᴋaᴋᴋane; Kanaanekullo nunaᴋarput imarbiub sidjangane kôblo Jordanib seniane.

Ingergalutiglo tikiput Mosesemut Aronemullo Israêlikullo ilagêktoᴋsoanginut, sunaᴋajuitomut Pâranemut, Kadesemut; unipkarvigivaillo tâpkoalo ilagêktoᴋsoangillo, takotilugillo nunab paunganginik.