Popular Bible Verses from Mattêuse 3

Share

Attêle, sakᴋêgitse paunganik nalonaijaijunik ᴋaᴋialernipsingnik!

Ahâglo, nippe ᴋilangmit oᴋarpok: Tagva ernera nagliktara, tâmna ᴋuviagijara.

Jêsuse baptitaugame, tuavidlune kôngmit ᴋakᴋivok; ahâglo, ᴋilak ᴋolâne angmalerpok. Johannesiblo Gûdib Anerninga takovâ, tingmiatut taubetut akᴋartok, Jêsusemullo pijok.

Uvanga imermut baptipapse nutâmik issumaᴋarᴋovluse; kingunipkulle tikituksak pitsartunersauvok uvamnit; nalopᴋotivungalo, tâpsoma itigagutinginik tigumiarnermik; tâpsoma baptitsomârpâse Anernermut ajunginermut ikomamullo.

Ullimaut napârtub mimernanganêlerêrpok. Tamanna pivlugo napârtut naliat ajungitunik paungaᴋangitok kipijaunairpok, egitauvlunalo ikomamut.

Taimnauvorle nalautaijub Jesaiasaib oᴋautigilauktanga, oᴋarame: Ajoᴋertuijub nippinganik inuᴋangitomêtoᴋarpok: Nâlekab apᴋotiksanga âᴋiksorsiuk, apᴋosiningillo naggotisigik.