Popular Bible Verses from Mattêuse 24

Share

Idluitulinerlo pivalliangmat, inuktut naglingningit niglileromârput. Issuanulle soᴋosijuitok, (okperlune) piulijaujomârpok.

Oᴋautsillo tussarnertut nâlegauvingmik oᴋautaujomârput silaksoarme ilûnâne, inuᴋatigêt ilûnatik nalojungnairutiksanganut; tâva silaksûb naggatiksanga naliutijomârpok.

Tussaromârposele unatartunik, unatartullo unipkautauninginik; kamatitse erᴋsiniaraselo. Taimaitokartuksaungmat sivorngagut; silaksûble naggatiksanga naliutingilak sulle.

Inuᴋatigêt inuᴋatigênut assimingnut sorᴋsugomârmatta, ataniovingmiullo, ataniovingmiunut assimingnut; kângnartoksoarmiglo ᴋanimaluâlungnartomiglo pijoᴋaromârpok, nunallo sunatuinarme sajukpilugomârput. Taimadja kappianartub pigiarninga.

ᴋilaglo nunalo nungujomârpuk, oᴋausikkale nungujomângilat.

Unuktut tikitsomârmatta attera atterivlugo, oᴋarlutik: Kristûseovunga; unuktullo tammartiniarpait.

Taimaipat, kappianartomut pititsomârpâse, toᴋodluselo. Inuᴋatigêllo ilûnatik ômigidlaromârpâse, attera pivlugo. Inuillo unuktut sinaungajuteᴋaromârput, illatiglo kiggortigivlugit, ingmingnullo ômisûtijomârput. Nalautainerluktullo unuktut sakᴋeromârput, unuktut tammartiniardlugit.

Jêsusible kiovlune oᴋautivait: Kamatitse uivêrijauᴋonase.

Tamanna pivlugo ilipsetauk opalungairsimatsainaritse; Inûb Erninga tikitsomârmat stundeme nerriugvigingitapsingne.

Taimâk pivlugo pigâritse; Nâlegapse tikiviksangata stundinga nalogapsiuk.

Uvlormigle stundemiglônêt taipsominga ᴋaujimajoᴋangilak; Engelillônêt ᴋilangmêtut ᴋaujimanginivât, Atâtama kissime ᴋaujimavâ.

Kristûseonerartunik saglojunik nalautainerluktuniglo Sakᴋertoᴋaromârmat, nalunaikutaksoarnik tatamnadlartuniglo piniarlutik tammartitaulerᴋovlugit tammarnartomut anerimajuttauk, ajornangipatta.

Sorlo Nôa inôtilugo ilaungmat, taimâktauk itsomârivok Inub Erningata tikiviksanga. Sorlo uvlune taipkonane, ulitornivaksûb sivorngagut ilaungmat: nerrivut, imilarmiglo, nulianikpullo, uinikpullo, uvloᴋ tâmna tikidlugo, Nôab itervia umiaksoarmut. Kamagingilâllo, ulitornivaksoak tikerᴋârtinago tamaita nungudlugit: taimaitsomârpoktauk Inûb Erningata tikiviksanga.