Popular Bible Verses from II Korintemiunut 1

Share

Nertortaule Gûde Nâlegaptalo Jêsusib Kristûsib Atâtanga, nâpkiniktoᴋsoaᴋ Atâta, tamainiglo manigoijoᴋ Gûde. Tâpsoma manigormatigut kappiasugviptingne, uvaguttauᴋ manigoijungnarᴋovluta sunatuinarnut kappiasuktitaujunik, manigoiniksamut, uvagut manigortautigijaptingnut Gûdemut.

Sôrlo Kristûsib ânianganik angijomik illangiutititaumagapta, taimaktauᴋ Kristûsemut angiluartomik manigortauniarpogut.

Nangminerlo uvagut issumaᴋalauralloarpogut toᴋojuksauniptingnik. Taimaitoᴋalerporle, nangminiptingnik tattiksaᴋarᴋonata, Gûdele tattigivlugo toᴋungajunik tupaktitsijoᴋ.

Gûdele Kristûsemut tungatitsijôvoᴋ uvaptingnik illagivluse, mingoarlutalo. Naᴋisimavâtiguttauᴋ, Anernermiglo tunitsivigiluta nelunaikutaksaptingnik ômatiptingnut.

Kappiasûteᴋarangaptalônêt, tamadja pivoᴋ ilipse manigortaulerᴋovluse, piulijauᴋovluselo; manigortaulerangapta, tamadja manigortauniksapsingnut ilingavok; tamadja angijomik saᴋᴋijârpoᴋ ᴋenuersârnerme ânernartunik tâpkoninga, sôrlo uvaguttauᴋ âniaᴋarapta.