Popular Bible Verses from Rome 8

Share

Dǫ Nǫ̀htsı̨ ghǫneètǫǫ sìı eyıts'ǫ wınì k'ę̀ę̀ gììchìı sìı t'asìı hazǫǫ̀ t'à gıxè sìghà ayehɂı̨ wek'èts'eezǫ hǫt'e.

Nǫ̀htsı̨ goghǫneètǫǫ sìı t'asìı wı̨ı̨zìı yech'à ı̨łak'aà agole ha nıìle, hotıì wek'èts'eezǫ. Ełaàts'edee, ts'eedaa, ehk'ę̀ę̀ ı̨łaà goghǫneètǫ ha hǫt'e. Yak'eet'ı̨į̀ hanì-le-ı̨dè ı̨nìłı̨ı̨ yets'ǫǫ̀ agole ha nıìle. Dıì dànì k'ehokw'oo, ı̨daà dàgode ha sìı t'à wets'ǫǫ̀ agole ha nıìle, eyıts'ǫ Nǫ̀htsı̨ dànì goghǫneètǫǫ sìı ch'à ı̨łak'aà agogele ha nıìle. Įdòo yat'a k'àhogedèe, ı̨zhıì dèè gotł'a k'àhogedèe eyıts'ǫ Nǫ̀htsı̨ t'asìı hazǫǫ̀ whehtsı̨ gots'ǫ t'asìı wı̨ı̨zìı sìı Nǫ̀htsı̨ dànì goghǫneètǫ ch'à ı̨łak'aà agogele ha dìì hǫt'e, gots'ǫ̀ K'àowo Zezì-Krı wets'ıhɂǫ̀.

Eyı xèht'eè edegha nàts'etso-le t'à Yedàyeh Nezı̨ı̨ gots'àdı xè hǫetse hǫt'e. Ayìı gha yats'ehtı ha sìı deghàà wek'èts'eezǫ nıìle, hanìkò Yedàyeh Nezı̨ı̨ hǫetse ladı xè gogha yahtı hǫt'e. Dànì hǫetsee sìı wegha yatı whìle hǫt'e.

Eyıt'à eyı wek'èts'eezǫ nı̨dè weghǫ dàts'edı welì? Nǫ̀htsı̨ goxè hǫt'e nı̨dè amìı gok'èch'a at'ı̨ welì?

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

Hołı̨ı̨-hohtsı̨ı̨-dǫǫ̀ edınìłı̨ı̨ t'à ełaàwı ha hǫt'e, hanìkò dǫ Yedàyeh Nezı̨ı̨ yınì ts'ǫ̀ k'àowo sìı eda xè wexè sìghà hǫt'e.

Goxè hanì k'ehokw'o kò, Zezì goghǫneètǫǫ sìı wets'ıhɂǫ̀ goxı̨ hòt'a hots'eèhnǫ hǫt'e.

Įdaà nìhǫǫwo-ı̨dè Nǫ̀htsı̨ dànì enıìyah k'ę̀ę̀ gots'ǫ̀ eghàlaeda ha sìı weghǫ nànıhwho nı̨dè, dıì dats'ı̨ı̨ɂaa sìı segha t'asìı nıìle.

Zezì-Krı goghǫneètǫǫ sìı amìı eyı ch'à ı̨łak'aà agole ha? Dǫ wı̨ı̨zìı-le! Gogha hoìla nı̨dè, gogha hoezhì nı̨dè, dats'ı̨ı̨ɂa nı̨dè, bò whìle nı̨dè, gogha goht'ǫ whìle nı̨dè, gogha hoejı̨ nı̨dè, dǫ ełaàgòhde ha gı̨ı̨wǫ nı̨dè, asį̀į̀ eyı hazǫǫ̀ t'à Zezì goghǫneètǫ ch'à agogele ha? Į̀le ne!

Nǫ̀htsı̨ godzeè k'èezǫǫ sìı Yedàyeh Nezı̨ı̨ wınì sı k'èezǫ hǫt'e. Yedàyeh Nezı̨ı̨ sìı Nǫ̀htsı̨ wınì k'ę̀ę̀ Nǫ̀htsı̨ wets'ǫ dǫ gha yahtı hǫt'e.

amìı Nǫ̀htsı̨ wets'ǫ Įnì gıts'ǫ̀ k'àhowoo sìı Nǫ̀htsı̨ weza agı̨ı̨t'e t'à.

Dǫ edınìłı̨ı̨ k'ę̀ę̀ geedaa sìı gınìłı̨ı̨ t'anıwǫǫ sìı k'ę̀ę̀ gınì nàtsoò adegį̀į̀là. Hanìkò dǫ Yedàyeh Nezı̨ı̨ k'ę̀ę̀ geedaa sìı Yedàyeh Nezı̨ı̨ dànıwǫǫ sìı k'ę̀ę̀ gınì nàtsoò adegį̀į̀là.

Xàè Weza sìı edegha yek'èdì-le, hanìkò hazǫǫ̀ gogha ełaı̨woò ayį̀į̀là. Hotıì gogha hanì eghàlaı̨dà nı̨dè, t'asìı hazǫǫ̀ edeza ghàyı̨ı̨laa sìı goxı̨ sı ededzeè t'à goghàyele ha wek'èts'eezǫ.

Yedàyeh Nezı̨ı̨ eyıts'ǫ gots'ǫ ı̨nì į̀łah, “Nǫ̀htsı̨ weza ats'ı̨ı̨t'e,” gògedı. Eyıt'à Nǫ̀htsı̨ weza ats'ı̨ı̨t'e nı̨dè Nǫ̀htsı̨-Gotà ayìı edeza ghàyele ha sìı goxı̨ sı goghàyele ha hǫt'e. Zezì-Krı wexè Nǫ̀htsı̨ weza ats'ı̨ı̨t'e nı̨dè Weza xè t'asìı goghàyele ha hǫt'e. Zezì-Krı wexè dats'ı̨ı̨ɂa nı̨dè goxı̨ sı wexè enıìyah deè goghàhòt'à ha hǫt'e.

Gonìłı̨ı̨ sìı Nǫ̀htsı̨ wek'èch'a hǫt'e. Nǫ̀htsı̨ nàowoò k'èı̨t'e ha nıwǫ-le xè Nǫ̀htsı̨ nàowoò k'èı̨t'e ha dìì.

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

Dıì gots'ǫ̀ Nǫ̀htsı̨ t'asìı hazǫǫ̀ whehtsı̨ı̨ sìı dagı̨ı̨ɂa hǫt'e, ts'èko webebìa gòhłè ha t'à hǫetse eyı lagǫ̀ht'e wek'èts'eezǫ.