Popular Bible Verses from Colosse 1

Share

Togoòtł'òo dǫ ts'ǫ̀ k'àhowo gots'ǫ edaxàgoı̨la t'à, Edeza ghǫneètǫǫ sìı wenàowoò k'ę̀ę̀ hòɂǫǫ ts'ǫ̀ agǫ̀ǫ̀là.

Ededı̨ wet'à t'asìı hazǫǫ̀ hòèlı̨ hǫt'e: t'asìı yak'e whelaa, dıı nèk'e whelaa, t'asìı wègaat'ı̨ı̨, wègaat'ı̨-le, hazǫǫ̀ yèhtsı̨ hǫt'e. K'àowocho gı̨ı̨lı̨ı̨, k'aodèe gı̨ı̨lı̨ı̨, dèe-ts'ǫ̀-k'àowo gı̨ı̨lı̨ı̨, hazǫǫ̀ Nǫ̀htsı̨ Weza gòèhtsı̨ hǫt'e, eyıts'ǫ ededı̨ wegha gıhòèlı̨ hǫt'e.

Ededı̨ sìı t'asìı hazǫǫ̀ hòèlı̨ kwe gots'ǫ hǫt'e, eyıts'ǫ wets'ıhɂǫ̀ t'asìı hazǫǫ̀ yàłııtǫ̀ hǫt'e.

Nǫ̀htsı̨-Gotà gogha wègaat'ı̨-le, hanìkò Weza yexèht'eè wègaat'ı̨ hǫt'e. Weza sìı t'akwełǫ̀ǫ̀ hǫt'e eyıts'ǫ t'asìı hazǫǫ̀ hòèlı̨ı̨ sìı ts'ǫ̀ K'àowo.

Eyıt'à, naxıghǫ ts'ıìkw'o gots'ǫ naxıgha yats'ehtı ghǫ nats'et'è-le. Yedàyeh Nezı̨ı̨ t'à deghàà goahsǫ ha eyıts'ǫ t'asìı nıahdì aahde ha t'aats'ǫǫ̀ naxıgha Nǫ̀htsı̨ wets'eekè, hanì-ı̨dè Nǫ̀htsı̨ dànıwǫǫ sìı wek'èahsǫǫ̀ aahde ha. Gots'ǫ̀ K'àowo wınì k'ę̀ę̀ hotıì ehkw'ı aahda ha naxıts'ı̨ı̨hwhǫ t'à, hanì naxıgha yats'ehtı. Hanì-ı̨dè Nǫ̀htsı̨ weghàsǫhoedı ha eyıts'ǫ dànì eghàlaahdaa hazǫǫ̀ yeghǫ sìghà anıwǫ ha. T'asìı nezı̨ı̨ łǫ wegha eghàlaahda ha eyıts'ǫ Nǫ̀htsı̨ denahk'e nezı̨į̀ wek'èahsǫǫ̀ aahde ha.