Popular Bible Verses from Zezì Wecheekeèdeè 17

Share

Nǫ̀htsı̨ hanì eghàlaı̨dà hǫt'e, hanì-ı̨dè wekats'ı̨ı̨wǫ ha goı̨hwhǫ eyıts'ǫ edahxǫ wets'ı̨ı̨wǫ xè wegots'ìhɂà ha welì. Gots'ǫ̀ nıwà-le wheda kò hǫt'e.

Dǫ ı̨łè gots'ǫ, dǫ hazǫǫ̀ xàɂaa whehtsı̨ hǫt'e eyıts'ǫ dıı nèk'e hazǫǫ̀ nàgedè ha agǫ̀ǫ̀là. Dàwhaà geeda ha sìı goghàhòı̨ɂǫ eyıts'ǫ edı̨į̀ nàgedèe ha sìı goghàhòı̨ɂǫ hǫt'e.

“Nǫ̀htsı̨, dèe eyıts'ǫ t'asìı hazǫǫ̀ edaa whehtsı̨ı̨ sìı yak'e eyıts'ǫ dıı nèk'e gha K'àowo hǫt'e. Yats'ehtıı-kǫ̀-gocho, dǫlà t'à hòèlı̨ı̨ sìı, yeyìı nàdè nıìle.

Dǫ hazǫǫ̀ ehkw'ı gısınìyaetı gha dzę whehɂǫǫ̀ ayı̨į̀là hǫt'e, eyı gha dǫ ı̨łè yį̀į̀hchì hǫt'e. Eyı wììchıı sìı dǫ hazǫǫ̀ gıgha ehkw'ı-ahodı ha t'à Nǫ̀htsı̨ naìdà ayį̀į̀là,” Paul gòhdı.

“Eyıt'à Nǫ̀htsı̨ wets'ıhɂǫ̀ǫ-dǫǫ̀ ts'ı̨ı̨lı̨ nı̨dè Nǫ̀htsı̨ sìı sǫǫ̀mba dekwoo, sǫǫ̀mba degoo eyıts'ǫ kwe t'à hòèlı̨ı̨ wets'ı̨ı̨hwhǫ ha dìì. Dǫlà t'à t'asìı hòèlı̨ı̨ k'ę̀ę̀ wègaat'ı̨ı̨ wets'ı̨ı̨hwhǫ ha dìì.