Popular Bible Verses from 2 Corınth 9

Share

Nǫ̀htsı̨ sìı t'asìı hazǫǫ̀ wet'à nezı̨į̀ aahda ha deɂǫ̀ǫ̀ naxıghàyele ha wegha dìì nıìle. Hanì-ı̨dè t'aats'ǫǫ̀ t'asìı hazǫǫ̀ wet'à-aaht'ı̨ ha sìı naxıts'ǫ ha, eyıts'ǫ t'aats'ǫǫ̀ wet'à nezı̨į̀ dǫ ts'àahdı ha.

Dǫ ededzeè t'à dàtłǫ sǫǫ̀mba dǫ ghàyele ha nıwǫǫ sìı k'ę̀ę̀ dǫ ghàyele ha hǫt'e. Edınì k'èch'a hanì-le-ı̨dè dǫ hayèhdı t'à t'asìı dǫ ghàyııɂà-le. Goınà xè t'asìı dǫ ghàts'ele nı̨dè Nǫ̀htsı̨ wınà hots'ehtsı̨ hǫt'e.

Dıı hats'edıı hotıì wenaahdì: Amìı t'asìı dehshee łǫ-lea dèè goyìı yelee sìı t'asìı dehshee łǫ-lea nàhtsį̀ ha, hanìkò amìı wet'à t'asìı dehshee łǫ dèè goyìı yelee sìı t'asìı dehshee łǫ nàhtsį̀ ha.

Nǫ̀htsı̨ ededı̨ sìı wet'à t'asìı dehshee dǫ ghàyele hǫt'e, eyıts'ǫ łèt'è dǫ ghàyele hǫt'e. Eyıt'à t'asìı hazǫǫ̀ wet'à ts'eedaa sìı denahk'e naxıghàyele ha, eyı wet'à denahk'e ehkw'ı eghàlaahda anaxele ha. Nǫ̀htsı̨ t'asìı hazǫǫ̀ deɂǫ̀ǫ̀ naxıghàyele ha, hanì-ı̨dè t'aats'ǫǫ̀ naxıdzeè t'à dǫ ts'àahdı ha dìì-le. Eyıts'ǫ goxı̨ got'ǫ̀ǫ̀ naxıdzeè t'à dǫ ts'àahdı t'à dǫ łǫ Nǫ̀htsı̨ ts'ǫ̀ masì gedı ha.

Nǫ̀htsı̨ masì wets'ı̨ı̨hwhǫ ha hǫt'e! Ayìı goghàyı̨ı̨ɂǫǫ sìı sıì weghǫ enıìyah t'à wegha yatı whìle hǫt'e!