Popular Bible Verses from 2 Corınth 5

Share

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Ayìı gogha ehkw'ı-ahodıı sìı k'ę̀ę̀ ts'eeda hǫt'e, ayìı gogha wègaat'ı̨ı̨ sìı k'ę̀ę̀ ts'eeda nıìle.

Eyı hazǫǫ̀ sìı Nǫ̀htsı̨ ayehɂı̨ hǫt'e. Ededı̨ sìı Zezì-Krı wet'ǫ̀ǫ̀ wexè ts'èwhı̨į̀ ts'eedaà agǫ̀ǫ̀là, eyıts'ǫ godı nezı̨ı̨ dǫ ts'ǫ̀ hats'edı gha, la goghàı̨ɂǫ hǫt'e. Nǫ̀htsı̨ sìı Zezì-Krı wet'ǫ̀ǫ̀ dıı nèk'e dǫ edexè ts'èwhı̨į̀ geedaà agǫ̀ǫ̀là, eyıt'à gıhołı̨į̀ k'èxa gosınìyaehtı nıìle. Nǫ̀htsı̨ dànì dǫ edexè ts'èwhı̨į̀ geedaà agohɂı̨ı̨ sìı weghǫ dǫ ts'ǫ̀ hats'edı ha goghàhòı̨ɂǫ hǫt'e.

Eyıt'à goxı̨ sìı Zezì-Krı wegha dǫ ts'ǫ̀ gots'edee ats'ı̨ı̨t'e. Goxı̨ got'à Nǫ̀htsı̨ naxıts'ǫ̀ gode lanì hǫt'e. Zezì-Krı wedahxà naxıghǫnàdats'eetì: Nǫ̀htsı̨ wexè ts'èwhı̨į̀ aahda, naxèts'edı.

Ededı̨ sìı dǫ hazǫǫ̀ gha ełaı̨wo t'à, dǫ geedaa sìı edegha geeda ha nıìle hanìkò amìı gogha ełaı̨woo eyıts'ǫ gogha naìdàa sìı wegha geeda ha hǫt'e. Eyıt'à jǫ gots'ǫ ı̨daà dıı nèè gots'ǫ dǫ gınàowoò k'ę̀ę̀ dǫ wı̨ı̨zìı gısınìyats'ehtı ha nıìle. Įnę̀ę sìı Zezì-Krı hanì wesınìyats'ı̨ı̨htı ı̨lè, hanìkò dıì sìı hats'et'ı̨-le ats'ejà.

Zezì-Krı goghǫneètǫ t'à hanì wegha eghàlats'eeda ha ts'ı̨ı̨wǫ. Dǫ ı̨łè dǫ hazǫǫ̀ gha ełaı̨wo, eyıt'à dǫ hazǫǫ̀ ełaı̨dè hǫt'e, eyı gogha ehkw'ı-ahodı t'à ats'et'ı̨.