Popular Bible Verses from 2 Corınth 1

Share

Nǫ̀htsı̨ weghàsǫts'eedı welè. Ededı̨ sìı Zezì-Krı Wetà hǫt'e, eyıts'ǫ ededı̨ ededzeè t'à etegoèhɂı̨ elı̨. T'asìı hazǫǫ̀ t'à goxè sìghà hòɂǫ gha Nǫ̀htsı̨ elı̨ hǫt'e. Goxè hoìla łǫ sǫnı kò goxè sìghà hòɂǫǫ̀ agohɂı̨. Gots'ǫ̀ hanì eda hǫt'e t'à dǫ gıgha hoìla sìı gıxè sìghà hòɂǫǫ̀ agets'ehɂı̨.

Zezì-Krı gogha daı̨ɂà t'à goxı̨ wexè dats'ı̨ı̨ɂa, eyı lanì Zezì-Krı wets'ıhɂǫ̀ deɂǫ̀ǫ̀ goxè sìghà hòɂǫ hǫt'e.

Hòt'a ełaàts'ede ha hotıì hats'ı̨ı̨wǫ ı̨lè. Goxı̨ edets'àts'edı ts'ı̨ı̨wo ha-le t'à goxè hagòjà, hanìkò Nǫ̀htsı̨ dǫ naìdà ayehɂı̨ı̨ sìı ededı̨ wets'ǫ̀ hoèlı̨ ts'ı̨ı̨wǫ ha t'à goxè hagòjà hǫt'e.

Nǫ̀htsı̨ sìı Zezì-Krı wet'à goınì eyıts'ǫ naxınì nàtsoò ayehɂı̨ hǫt'e. Edegha gòį̀hchì hǫt'e, eyıts'ǫ wets'ǫ ats'ı̨ı̨t'e wek'èhoedzǫǫ̀ ayį̀į̀là. Eyıt'à edets'ǫ Įnì Degaı godzeè yìı nàdè ayį̀į̀là, wet'à gogha sǫǫ̀mba nìı̨ɂǫ lanì, eyı weghàà ı̨daà ayìı godawhelaa sìı hotıì goghǫ̀t'à ha wek'èhoedzǫǫ̀ ayį̀į̀là.

Goxè hoìla nı̨dè naxıxè sìghà hòɂǫ gha eyıts'ǫ edaxàahdè gha ats'et'ı̨. Goxè sìghà hòɂǫ nı̨dè naxı̨ sı naxıgha hǫt'e, eyı t'à goxèht'eè ts'èwhı̨į̀ daahɂa nı̨dè, wet'à naxınì nàtso ha.