Popular Bible Verses from 1 Thessalonıca 4

Share

Eyı tł'axǫǫ̀ goxı̨ ı̨łaà dıı nèk'e ts'eedaa sìı ı̨dòo k'oh yìı ts'ǫ̀ nets'ıìdè ha, ekǫ gıxè eyıts'ǫ gots'ǫ̀ K'àowo wexè ı̨dòo yat'a gınìhdǫǫ̀ ts'eedè ha. Eyıts'ǫ welǫ whìle ts'ǫ̀ gots'ǫ̀ K'àowo wexè ats'ı̨ı̨t'e ha hǫt'e.

Gots'ǫ̀ K'àowo ededı̨ xàè yak'e gots'ǫ hodàetła ha hǫt'e. Nǫ̀htsı̨ wets'ǫ dechı̨shì hòtł'ò dedı ha, eyıts'ǫ yak'eet'ı̨deè hòtł'ò xàyahtı ha. Ekòet'ıì dǫ Zezì gıgha ehkw'ı-ahodıı xè ełaàgı̨ı̨dèe sìı ededı̨ t'akwełǫ̀ǫ̀ nagìdà ha.

Nǫ̀htsı̨ sìı wegha degaı k'ę̀ę̀ aahda ha naxı̨ı̨hwhǫ hǫt'e: naxızhį̀į̀ t'à hołı̨ı̨ k'alaahdè ch'à edek'èahdì. Naxızhį̀į̀ sìı t'asìı nezı̨ı̨ xè degaı k'ę̀ę̀ wek'èahdì ha hoghàdeahtǫ.

Zezì ełaı̨wo eyıts'ǫ naìdà eyı sìı gogha ehkw'ı-ahodı hǫt'e. Eyıt'à dǫ Zezì gıgha ehkw'ı adıı xè ełaàgı̨ı̨dèe sìı Zezì jǫ anajà nı̨dè, Nǫ̀htsı̨ Zezì xè negıìdè agole ha, eyı sìı gogha ehkw'ı-ahodı hǫt'e.

Dànì hoghànaxets'eèhtǫ k'ę̀ę̀ aahda: Ts'èwhı̨į̀ aahda ghǫ hòtł'ò aahwhǫ; t'asìı naxıìdı-le sìı weghǫ nànıahdè-le; eyıts'ǫ naxılà t'à eghàlaahda.

Nǫ̀htsı̨ sìı gonàowołı̨ı̨ k'ę̀ę̀ ts'eeda gha gokayaı̨htı nıìle, hanìkò nàowo degaı k'ę̀ę̀ ts'eeda gha gokayaı̨htı hǫt'e.