Popular Bible Verses from APOCALIPSIS 11

Share

De ya'i jini séptimo ángelo u yusti u trompeta, y ubqui noj gran t'an tä cielo. Machcatac u chijob ni t'an u yälijob ca'da: Ni poder tuba utic manda u pancab u yäc'binte bada tu c'äb Cajnojala Dios, nämte' t'oc aj Cristo, jini machca u yaqui Dios tuba u chen mandaba. Mach uxin tä ajtä q'uin xupic u chen manda uneba. Ca' jini u yälijob.

Machcatac cuxujob tama upete cab c'ac'a' cäräx'ijob t'oc ane, pero ac'oti q'uin tuba a wäc'benob u toje' u tanäjob, y tuba a tzämsenob machcatac u sätben u bijijob ni gente pancab. Ac'oti q'uin täcä tuba a cuxpesan ajchämejob uc'a a wiran si u chijob tu toja. Jini a wajpatanob, y jini machcatac u tz'aycunob a t'anba, a wäc'benob u matänob, nämte' täcä t'oc jini machcatac seq'uen ta'aba y jini machcatac u bäc'tanetba, mach u che si unejob mach jin cua' tu jut winicob, o si unejob ch'uniquilbajob.

Y no'on cä xe cä'benob jini cha'tu ajt'an täc'aba u tz'aycun cä t'an ca' tuba mil doscientos sesenta q'uin. U xe u cänäntan u bucob uti de costal ca' chich u xoje' tuyac'ojob machcatac u yuc'tan u tanäjobba ―che' u yälbon machca u yäc'bon ni wop.

Pero tu xe tä nume uxp'e y unxot' q'uin Dios u xe u yustanob t'oc u säp'ic' uc'a sutwänicob tä cuxpan tä cha'num. U xe tä ch'oyejob tä wa'tä, y machcatac u chänenob une u xe tä c'ac'a' bäc'tanob.

Si jini cha'tu ajt'anob mach yojob ajnic ja' isqui, mach chich uxin u yäc'ben ja' ixta que mach c'otic q'uin tuba u tzupsen u tz'aycun u t'an Dios. Si unejob yojobba, u ch'e' u yäc'ben sutwänic de ch'ich' cua' chichca pa' jini. Che' chich täcä u ch'e' u yäq'ue'ob pancab cua' chichca toyoben yaj, o wi'na, o tz'ibajtesia jäynumixca u yolin u chenob.

Jini cha'tu ajt'anba, tu jut Dios es ca' ni cha'tec te' olivo, y ca' ni chap'e u chumliba chäb que ya'an tu pänte' Dios, jin ni u Yum u pancabba. Machca chichca une yo u cherbenob cua' chichca mach utzba, u xe tä pase c'ac' tan u ti' ni cha'tu ajt'anob y u xe u laj pule'ob jini que mach yo t'oc unejob. Ca' jini chich u xe tä chämojob machca chichca une yo u cherbenob cua' chichca mach utzba.