Popular Bible Verses from APOCALIPSIS 11

Share

Te espíritú cúú ùsá ní tɨú‑xi cútú néhé‑xí, te òré‑áⁿ nǐ tecú níhi ní cáháⁿ tɨtnɨ́ sá nǐ cáháⁿ andɨu, te càchí‑xi: Nchaa sá cúú cuèndá nchaa ñáyiu ñuyíú táxí tnùní‑yu ni cùu ní nduu cuèndá Tǎtá‑ó Dǔtú Ndiǒxí táxí tnùní‑gá, Te tnàhá Yaá ní tendaha‑gǎ ní sáháⁿ ñuyíú táxí tnùní‑gá nchaa xíǎⁿ, te dɨu‑gá taxi tnùní‑gá nɨ caa nɨ quɨ́hɨ́ⁿ. Duha ní cáháⁿ nchaa sá nǐ cáháⁿ‑áⁿ.

Te nchaa ñáyiu xǐndecu ñuyíú xǐcudéěⁿ‑yu núú‑n, te vitna ní sáá nduu dàndohó‑n‑yu chi ñá túú cùu váha iní‑n nǔǔ‑yu, te cada ndáá‑n cuěchi nchaa ñáyiu sa ní xíhí, te ní sáá tucu nduu cuǎñaha‑n sǎ ndúú tǎhú nchaa ñáyiu ní xinu cuechi nǔú‑n nǐ cáháⁿ‑yu tnúhu‑n, ndɨhɨ nchaa dava‑gá ñáyiu cùu cuendá‑n, chi ñáyiu‑áⁿ néhě‑yu sá yɨ́ñùhu núú‑n, te cuěi ñáyiu cùnuu ndɨhɨ ñáyiu ñá túú cùnuu cuáñaha‑n sǎ ndúú tǎhǔ‑yu, te ní sáá tucu nduu dànaa‑n nchaa ñáyiu sàhni tnaha ñáyiu‑xi. Duha càchí ndɨ òcó cúmí cue tée sacuéhé‑ǎⁿ xǎhaⁿ‑güedě xii Yá Ndiǒxí.

Te yúhú tendaha‑ǐ úú tnàhá cue tée cáháⁿ yuhu‑í nàcuáa càchí Yǎ Ndiǒxí, te úxúú cièndú únídico nduu ducaⁿ cǎháⁿ‑güedé yuhu‑í cada‑güedé núù‑í, te cuihnu‑güedé dóó tnúú sǎ sácuǐhnu cue ñáyiu ndɨ̀hú iní‑xi —duha càchí sá càháⁿ‑áⁿ.

Te sátá ná yǎhá úní nduu dava sá dúcáⁿ cùú‑güedé te Yá Ndiǒxí dandòto ñaha‑gá xii‑güedé, te ndacóo‑güedé, te nchaa ñáyiu na quìní sá ndótó‑güedě te yùhú víhǐ‑yu.

Te ndɨ ndùú‑güedé ndécú ndɨ̀hɨ‑güedé tnúhu ndee ìní cada‑güedé sá vǎ cúúⁿ dǎú, te ducaⁿ càda‑güedé nɨni cǎháⁿ‑güedé nàcuáa càchí Yǎ Ndiǒxí, te ndacu‑güedé nadatɨ̀u‑güedé ndute nduu‑xi nɨ́ñɨ́, te ndacu‑güedé dandòho‑güedé nchaa ñáyiu tɨtnɨ́ núú tnǔhu ndòho, te ducaⁿ càda‑güedé ná daha xito càchí iní méé‑güedě.

Te ndɨ ndùú cue tée‑áⁿ cúú‑güedě dàtná úú yutnu òlívú sá xǐnutnɨ́ɨ núú Yǎ Ndiǒxí, ndɨhɨ dàtná úú sá ndèé dité‑xi, sá yɨ́ndòdo ɨɨⁿ caa candíl núú dìté‑xi ndècu tucu núú‑gǎ, te dɨu‑gá cúú‑gǎ Yaá yɨ́ndàha ñuyíú. Te ñáyiu na càni iní‑xi ná cada ñaha xìi‑güedé te yuhu‑güedé quene ñuhú cahmi ñaha‑xi xìí‑yu, te ducaⁿ càda‑güedé cahni‑güedé nchaa ñáyiu na cùu úhú iní ñáhá xìi‑güedé.