Popular Bible Verses from EFESIOS 3

Share

Te Yá Ndiǒxí ío‑gá vài sá ndácú‑gǎ táxí‑gǎ dàcúúxí sǎ xìcáⁿ‑ó nǔú‑gǎ, te cuěi ndéé nchaa sá ñà túú sàni iní‑ó nǐhí‑ó te tàxi‑gá, te ducaⁿ chi mee‑gǎ ndécú ndɨ̀hɨ ñaha‑gá xii‑o, te ndàcu‑gá quídé‑gǎ nándɨ sá vǎha sá cúú‑xí‑ó. Te vitna nchaa nchoo ñǎyiu ndècu ichi Xítohó Jesucrìstú chí ná càchí‑ó sǎ ǐo càhnu cuu Yá Ndiǒxí, te ducaⁿ‑ni cǎháⁿ‑ó sǎ ǐo càhnu cuu‑gá nɨ caa nɨ quɨ́hɨ́ⁿ chi ndècu ndɨhɨ‑o Xítohó Jesucrìstú. Te ducaⁿ na cùnduu.

Te xìcáⁿ táhù‑í núú Dǔtú Ndiǒxí sá Espíritú‑gá ná cádá nàcuáa cuita níhí ndéé‑gǎ‑ndó quɨ̌hɨ́ⁿ cundecu‑ndo ìchi‑gá, te ducaⁿ xìcáⁿ táhù‑í núú‑gǎ cada Espíritú‑gá chi ío càhnu cuu‑gá. Te xìcáⁿ táhú tùcu‑í núú Yǎ Ndiǒxí sá Xǐtohó Jesucrìstú ná cùndecu ndɨhɨ ñaha‑ni‑gá xii‑ndo chi sàndáá iní‑ndó‑gǎ, te ducaⁿ te vá dáñá ndèé‑ndó ǐo cuu iní tnáhá‑ndó. Te xìcáⁿ táhú tùcu‑í núú Yǎ Ndiǒxí cuèndá‑ndó ndɨ̀hɨ cuendá dava‑gá ñáyiu cùu cuendá‑gá, cuèndá sá cútnùní iní‑ndó sǎ sǔúní cùu iní ñáhá Xǐtohó Jesucrìstú xii‑o. Te duha xìcáⁿ táhù‑í núú Yǎ Ndiǒxí chi cuìní‑í sá ncháá‑ndó tècú tnùní‑ndó sǎ ǐo cùu iní ñáhá Xǐtohó Jesucrìstú xii‑o cuěi vá ndácú càva‑o quiní‑ó nàcuáa cùu iní ñáhá‑gǎ xii‑o. Te xìcáⁿ táhú tùcu‑í núú Yǎ Ndiǒxí sá ǐo na cùndecu ndɨhɨ ñaha‑gá xii‑ndo, te ducaⁿ cànchicúⁿ nihnu‑ndo càda‑ndo nchaa nacuáa quìde mee‑gá.

Te vitna cùyɨɨ‑o cáháⁿ ndɨhɨ‑o Yǎ Ndiǒxí cuèndá sá ndécú ndɨ̀hɨ‑o Xítohó Jesucrìstú, te sàndáá iní‑ó‑gǎ.