Popular Bible Verses from उत्पत्ती 49

Share

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम।

योसेफ फल सिप्‍ब रवा का बाक्‍ब। आ राशी गारो तारी बाक्‍शा, ब्‍वाक्‍कु बुक्‍तीकेमी ख्रुम्‍शो रवा का बाक्‍ब। ब्रा आप्‍बपुकीमी मेको कली ब्रा आप्‍तेक्‍म। मेको कली आप्‍शा, खेदा पशा, काइ मदाक्‍तेम।

तन्‍न आ लिब्रा बोल्‍यो बाक्‍ब, आ गुइ बोल्‍यो बाक्‍नीम। सक्ति पाइश्‍शो याकूब आ परमप्रभु, इस्राएल आ गोठला नु सेरथे फुल्‍लुम, मेको कली वारच पाप्‍तु। इ आफ आ परमप्रभुमी इ कली वारच पाइब। नेल्‍ल क्‍येङा सक्ति पाइश्‍शो परमप्रभुमी इ कली सरीङ रे नु खप रे आसीक गेब। शुश आल थिचा ङा आसीक यो गेवल।

यहूदा, इ लोक्‍बपुकीमी इ कली ठेयब सेल्‍मेक्‍ल। इ गुइमी इ जोरी सत्रु आन क्रोक्‍क्रो निप्‍नेवे। इ आफ आ आल इ ङोंइती खुम्‍की पा बाप्‍नीम। यहूदा गुप्‍स आ चाइक्‍ब खोदेंशो बाक्‍ब। सिखार ब्‍वशा ठेयब दुम्‍ते। ठेयब गुप्‍स खोदेंशो पा खुम बाप्‍ब। गुप्‍सनी खोदेंशो पा इप्‍ब। सुम मेको कली बोक्‍पाइक्‍ने चाप्‍बा?

रूबेन, गे आं ङोंइती जरमेशो तौ नवे। ङोंइती ङा आं बोल नु सक्ति बाक्‍नेवे। नेल्‍ल क्‍येङा शिरशो नु सक्ति पाइश्‍शो ङोंइती ङा बाक्‍ते। समुन्‍द्र ङा छाल खोदेंशो पा गे हिम्‍सीशो थुं पाइश्‍शो मुर दुम्‍नेवे। मारदे हना गे इ आफ आ खाट ङोइश्‍शा, बिथोलो पाप्‍तीवी। आं इप्‍तीकेम बाक्‍ते। गे मान मताइब दुम्‍नेवे।