Popular Bible Verses from गलाती 5

Share

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी, ब्रेम्‍शो दुम्‍नीमी नु आंम कली चलेस जोक्‍नीमी। मोदेंशो पाइब मुर कली परमप्रभु यावे आ अरेशो लोव़मी मारेइ मपाइब।

लोव़ थोक्‍शा, का निक्‍शी नु तेम्‍शा शेंनन्‍नी, परमप्रभु यावे आ सोक्‍त रे पा ब्रोंइशा गेय पने। मो पाइतीनी हना ला, इन दला दाक्‍स मपाइनीनी, इन थुंमी मिम्‍शा मरिम्‍शो मपाइनीनी।

गो परमप्रभु यावे आ सोक्‍तीमी ब्रोंइतय हना, इं गेय यो परमप्रभु यावे आ सोक्‍तीमीन पय।

सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी।

आन दला दाक्‍स पा मुर आ थुंमी मिम्‍शो पाइबपुकीमी दोदेंशो गेय पाइनीम देंशा हना, तेल्‍लेम पाइनीमी, ग्रांग्रा दिचा ङा गेय पाइनीमी, हेंथे गाक्‍नीमी, मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी, गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी।

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने।

मुर आ थुंमी मिम्‍शो पचा नु परमप्रभु यावे आ सोक्‍तीम ब्रीशो थुं आ मिम्‍शो पचा मगारब। रिम्‍शो पय देंतीनी हना यो, रिम्‍शो पने मचाप्‍नीनी।

“आंम इ कली दाक्‍शो खोदेंशो पा, इ नेक्‍था बाक्‍ब आन कली यो दाक्‍तो” देंशो लोव़मी परमप्रभु यावे आ अरेशो लोव़ नेल्‍ल बाक्‍ब।

मोपतीके ठेयब मसेल्‍सीय, मगाइक्‍मुय अरु आन कली रिम्‍शो दुम्‍शो तशा गेहे मपय।

ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने।