Popular Bible Verses from प्रस्‍थान 9

Share

तन्‍न गो आं सक्ति रागी नेल्‍लेम तुइक्‍पाइक्‍चा कली इ कली मुल सम्‍म ब्रोंइचा गेता। आ नें रागी नेल्‍ल ङा मुर आन कली तुइक्‍पाइक्‍चा, दे इ कली ब्रोंइचा गेता।

मिनु परमप्रभु यावेमी मोसा कली “फाराओ आ बाक्‍तीके लावो। मिनु गे परमप्रभु यावे, हिब्रू मुर आन परमप्रभुमी इन कली ‘आं मुर आं कली चढ़ेथ लचा गेवो।

मुल गो इ कली नु इ मुर आन कली बेक्‍तीक रोइ पपदु वा।

परमप्रभु यावेमी इन गोठम बाक्‍शो बस्‍तु भाव आन कली ठेयब रोइ पपाइक्‍ब। इन शारा, गधा, दलओंठ, बी ब्‍यफ नु क्‍यारश भेडा नेल्‍ल आन कली बेक्‍तीक रोइ पपाइक्‍ब। तन्‍न इस्राएली आन बस्‍तु भाव आन कली रोइ मपपाइक्‍ब। इजीप्‍त ङा मुर आन बस्‍तु भाव आन कली चहिं रोइ पपाइक्‍ब। इस्राएली आन बस्‍तु भाव मबेक्‍नीम’ दे फाराओ कली माइक्‍चा माल्‍नेवे” दे परमप्रभु यावेमी मोसा कली दें‍त।

नेनो, दीसा गो शुश मरिम्‍शो मुप्‍स यिपाइक्‍नुङ। मुल सम्‍म इजीप्‍त रागीमी मुर बाक्‍चा गोव़मे रे मोदेंशो ठेयब मुप्‍स गेनायो मयिशो बाक्‍ब। मोपतीके इ बस्‍तु भाव आन कली खिं आगा ओंइदो। मारदे हना मुर नु बस्‍तु भाव, सु सु लाङगाम बाक्‍नीमी, मेको मुप्‍सीम तुप्‍शा बेक्‍नीम’ देनो देंत” दे परमप्रभु यावेमी मोसा कली देंपाइक्‍तु।

मेको पुलु फुरक दुम्‍शा, मुर नु बस्‍तु भाव आन कली मरिम्‍शो गार मुपाइक्‍ब। इजीप्‍त रागी नेल्‍लेमी मोदेंशो दुम्‍ब” देंत। मिनु मोसा नु हारूनमी चुप्‍लु ङा पुलु हुइश्‍शा कुरशा, फाराओ आ ङोंइती राप्‍ताक्‍स। मिनु मोसामी मेको पुलु सरीङ गे फ्राप्‍तु। मिनु मुर नु बस्‍तु भाव नेल्‍ल शुश गार मुतेक्‍म।