Popular Bible Verses from Apocalipsis 11

Share

Tacahe, ticachujapa ema téqueneha ángele. Tásiha, ticaemapa muraca te anuma. Ánipa tacahehi eta nahu eta nusamirahi: —Títauchavapa puiti eta émaira­yarepa ema Viya técha, ticava­nai­ri­piyare namutu ena achaneana te juca apaquehe. Macaejacapa ema Machicha Cristo, máijara­cainapa eta mávacu­reyare. Acane­va­cainapa eta émairayare techa tamutu —tacahepa eta nahu.

Tétavi­cavahi eta nasema­nevahi ena achaneana eta piyehe. Muraca­pa­nai­na­pasera eta pícuña­si­ravaca éna. Puiti ticaya­se­se­re­hia­nainapa te pimirahu ena náepena­queneana. Jéhesare, picami­tie­que­ne­hainapa namutu ena ticami­tie­que­ne­ra­hianaini te juca apaquehe. Puiti pítsiri­ji­ca­vainapa eta nacaema­ta­nea­si­ravihi ena pivanarana ticame­ta­rai­ru­rahiana eta péchaji­riruva. Puiti píjara­cainapa eta náicuchihi ena yátupi­que­neanahi pichicha­na­veanahi tiámanahi eta píjare: nácani ichavicana, araitanana, énapa ena amaperuana” nacahepa.

Nútisera nuvane­ca­va­cainapa ena apinana nuvaneruana profetana. Éna, tiquisa­mui­ri­ha­na­ya­repahi eta namuirihana. Eta juca táicutia­ra­yarehi eta náichuaré­si­rayare náeneuchava ena achaneana. Mil doscientos sesenta sache eta nayere­vayare —macahepa.

Tásihasera, te táequenénapa eta mapanaquene sache y medio, macaeche­pu­ca­va­cainapa ema Viya. Tichava­nainapa títare­ca­nayare. Namutu ena achaneana náimahaya. Ichape eta napisi­rayare.

Éneri­chuvare ena nani, narata­ha­ya­revare náichejica eta tiquiva te jena sácheana nacame­ta­rai­rui­rayare. Étaripa eta une, náepiya­cayare ítiamayare náicha. Nacuchu­ca­yareva eta táiñepa­hiyare nayehe ena achaneana, apana­pa­ne­ne­ji­yarehi náicha, te jácani navara­ha­que­neyare éna.

Tásiha, nímahapa te anuma te mamirahu ema Viya eta apina yucuqui olivo étapa eta apina candeleroana te mamirahu ema Viya, ema téchahi tamutu eta juca apaquehe. Eta juca táicutiara eta majanea­si­ravaca ena apinana mavanarana, taicha manere­ji­ruanahi éna, nacame­ta­rai­ruyare eta náeneuchi­ra­vayare ena achaneana. Te natiari­hi­napuca nácani tivara­ha­nayare titupiacana, éna ticatiu­cha­va­nayare. Tiúchucayare eta yucu te najaca. Táijuchayare muraca, tacapa­ca­yareva ena nánara­na­yarehi.