Popular Bible Verses from 1 Juan 3

Share

Nuchicha­naveana, vémuna­ca­cachucha vicajicaca eta vicaye­he­queneana. Vahi vicúya­cu­ji­riríha. Váhivare vicuepi­ya­hirahi eta vémuna­si­ra­ca­cairahi. Vahi tacucarichu eta véchaji­riruva.

Ema Jesucristo tímecha­havihi eta máemuna­si­ra­havihi, taicha tíjara­cavahi tépena vítivenehi. Tásiha víti, te jácani táichara­racava, titupa­ra­cahavi víjara­ca­vayare vépena énavene ena vichamuriana, vímechiraya eta vémuna­si­ra­cacahi.

Nuchicha­naveana, tétavicava tárami­careva eta máemuna­si­rahavi ema Tata Vicaiyaquene. Yátupihi tímija­re­cha­havihi “machicha­naveana”. Puítiripa yátupi­quenehi machicha­ha­vi­ripahi. Énasera ena apamuriana achaneana vuíchaha nácaicu­tia­rahíni eta macachi­chai­ra­havihi ema Viya, taicha vuíchaha náimatihíni eta máemuna­raivahi éma.

Te náimisiapava ena apamuriana tayehe eta tamauri­queneana, éta tímereu­cha­vacahi eta machichai­ra­vacahi ema Váinaraji. Taicha ema Váinaraji, ema tinacuchahi táquenuhi eta pecatu. Numetacahe eta apana: Ema Machicha ema Viya tímitecahi eta macaepa­hai­rayare eta majara­re­ruanahi ema Váinaraji.

Víti machicha­ha­viripa ema Viya. Váipa vímisia­pa­vaimahi tayehe eta vicape­ca­tu­rairana taicha vicutinapa éma eta tamaji­nairahi matapi­ravaina. Éma, tájina mapeca­turaina. Eta macachi­chai­ra­havihi ema Viya, vahi vicape­ca­tu­raimahi.

Te mararihi ema mácani achane ticaima­ha­quenehi, te vahi acháne­sa­mu­rénahi mayehe ema machamuri eta macaiju­herahi, ema maca váhivare máemuna­cahini ema Viya.

Te visuapa eta mavanai­ripiana, viávahácahi éma, éneri­chuvare éma tiávahá­ca­haviya. Véchahi eta matiari­hirahi ema Viya eta viyehe, máicha ema Espíritu Santo mavaneruhi éma.

Nácani vahi tíchanahi eta táuriqueneana, váhivare náemuna­cahíni ena nachamuriana, náimerecahi eta vahi machicha­va­cai­nahini ema Viya. Tímere­ca­va­na­hivare eta machichai­ra­vacahi ema Váinaraji. Vítisera, eta víchirahi eta táuriqueneana, étapa eta vémuna­si­ra­cacahi, vímere­cavahi eta macachi­chai­ra­havihi ema Viya.

Te tépana­vainapa eta ecasi­ñairahi ema Viya, vimeta­cahehi eta mavarairahi eta vémuna­si­ra­ca­cayare.

Nupara­pe­naveana, éneri­chuvare puiti nararihiya ena achaneana ticati­cha­hea­nayare éti apana. Váhisera ecuarami eta juca.