Popular Bible Verses from Taga-Roma 14

Share

Ta ti Pagarian ti Dios saan a maipapan iti pannangan ken panaginum no di ket maipapan iti kinalinteg, kappia ken rag-o nga ited ti Espiritu Santo. Ket no kastoy ti panagserbi ti maysa a tao ken Cristo, paragsakenna ti Dios ket magun-odna ti panagraem ti padana a tao.

No agbiagtayo, agbiagtayo a maipaay iti Apo, ket no mataytayo, mataytayo a maipaay iti Apo. Ngarud, agbiagtay man wenno mataytayo, kukuanatayo ti Apo.

Ngarud, masapul nga aramidentayo dagiti makaited iti kappia ken makatulong a mangpapigsa iti maysa ken maysa.

Ngarud, saantayon nga agiinnukom. Ikeddengyo ketdi a dikay agaramid iti aniaman a pakaitibkolan wenno pakaigapuan ti kabsatyo nga agbasol.

Ta kuna ti Nasantoan a Surat, “Kas sibibiagak, kuna ti Apo, agparintumengto ti amin a tattao iti sangoanak, ket ipaduyakyakdanto a siak ti Dios.” Ngarud, dumatagto ti tunggal maysa kadatayo iti sangoanan ti Dios.

Awatenyo ti tao a nakapuy ti pammatina, ngem diyo kasupsuppiat maipapan iti kapanunotanna.

Siasinoka kadi a mangukom iti adipen ti sabali? Ti apona met laeng ti mangikeddeng kenkuana no agballigi wenno saan. Ket agballiginto gapu iti Apo.