Popular Bible Verses from Taga-Roma 12

Share

Saanyo a tultuladen dagiti ugali iti daytoy a lubong ngem palubosanyo a baliwannakayo ti Dios ket pabaroenyo a naan-anay ti panunotyo. Ket maammoanyonto ti pagayatan ti Dios—no ania ti naimbag, makaay-ayo kenkuana ken awan pagkuranganna.

Kakabsatko, dawatek ngarud kadakayo, a gapu iti naindaklan nga asi ti Dios kadatayo, ipaayyo koma ti bagiyo a kas daton a sibibiag, nasantoan ken makaay-ayo kenkuana. Daytoy ti pudno a panagdaydayaw a rumbeng nga ipaayyo.

Agbiagkayo a siraragsak gapu iti namnamayo. Ibturanyo dagiti rigatyo, ket kanayon nga agkararagkayo.

Dika paabak iti dakes. Parmekem ketdi ti dakes babaen iti naimbag nga aramid.

Nabara koma ti panagiinnayatyo kas agkakabsat ken ni Cristo, ket nareggetkayo a mangipakita iti panagraemyo iti maysa ken maysa.

Agayatkayo a sipupudno. Guraenyo ti dakes ket salimetmetanyo ti naimbag.

Aramidenyo amin a kabaelanyo a makilangen a sikakappia iti tunggal maysa.

Ni kaanoman dikay agibales, gagayyemko. Bay-anyo a ti Dios ti agibales. Ta nailanad iti Nasantoan a Surat: “Siakto ti agibales, siakto ti mangsupapak, kuna ti Apo.”

Ipasnekyo ti agtrabaho, ket dikay agsadsadut. Ipapusoyo ti agserbi iti Apo.

Gapu iti parabur ti Dios kaniak, ibagak daytoy kadakayo amin: Diyo ipapan ti bagiyo a nangatngato ngem ti rumbeng. Natanang koma ketdi ti panagpampanunotyo, ket usigen ti tunggal maysa ti bagina kas mayannurot iti rukod ti pammati nga inted ti Dios kenkuana.

Diyo supapakan iti dakes ti siasinoman nga agaramid iti dakes kadakayo. Ikagumaanyo nga aramiden ti naimbag iti imatang ti amin a tattao.

Dikay mangidumduma. Dikay agpalangguad; makigayyemkayo ketdi kadagiti nanumo a tattao. Diyo ipagarup a mamasiribkayo.

Ngem kas kuna ti Nasantoan a Surat: “No mabisin ti kabusormo, pakanem; no mawaw, painumem. No aramidem ti kasta, maalananto ti agbain.”

Dawatenyo iti Dios a bendisionanna dagiti mangidadanes kadakayo. Wen, dawatenyo ti pannakabendisionda a saan ket a ti pannakailunodda. Makipagragsakkayo kadagiti agragsak. Makipagsangitkayo kadagiti agsangit.

Ibingayanyo dagiti napanglaw a kakabsatyo iti pammati, ket padagusenyo dagiti sangsangaili.

Adu ti paset ti bagitayo ket agduduma ti usarda. Kasta met a nupay adutayo, maymaysatayo a bagi ken ni Cristo. Napagkakamangtayo a kas iti nadumaduma a paset ti bagi.