1
Taga-Roma 1:16
Ti Baro a Naimbag a Damag Biblia
Naan-anay ti panagtalekko iti ebanghelio ta isut' pannakabalin ti Dios a mangisalakan kadagiti amin a mamati, umuna kadagiti Judio kasta met kadagiti Hentil.
Compare
Explore Taga-Roma 1:16
2
Taga-Roma 1:17
Ta ipakaammo ti ebanghelio a ti panangpalinteg ti Dios iti tao mangrugi iti pammati ket agpatingga iti pammati. Kas kuna ti Nasantoan a Surat: “Agbiagto ti pinalinteg ti Dios babaen iti pammati.”
Explore Taga-Roma 1:17
3
Taga-Roma 1:20
Manipud pay idi pinarsua ti Dios daytoy lubong, ti agnanayon a pannakabalin ken kinadiosna, uray saan a makita, mabigbig ken nalawag a makita babaen kadagiti gapuananna. Isut' gapuna a pulos nga awan ti mabalinda a pagpambar.
Explore Taga-Roma 1:20
4
Taga-Roma 1:21
Ammoda ti Dios, ngem dida agdayaw wenno agyaman kenkuana kas maiparbeng. Nagbalin ketdi nga ubbaw ti panagpampanunotda ket sipnget ti linaon dagiti isipda.
Explore Taga-Roma 1:21
5
Taga-Roma 1:25
Tinallikudanda ti kinapudno maipapan iti Dios ket patienda ti kinaulbod. Agdayaw ken agserbida kadagiti pinarsua ti Dios a saan ketdi nga iti mismo a Namarsua a rumbeng a daydayawen iti agnanayon! Amen.
Explore Taga-Roma 1:25
6
Taga-Roma 1:18
Manipud langit, impakaammo ti Dios no kasano nga ukomenna dagiti tattao gapu iti amin a basol ken kinadakes nga inaramidda. Gapu iti kinadakesda, lappedanda ti pannakaipakaammo ti pudno.
Explore Taga-Roma 1:18
7
Taga-Roma 1:26-28
Daytoy ti gapuna a binaybay-an ti Dios ida kadagiti nakababain a kinaderrep. Uray ti babai, saanen a makikaidda iti lalaki. Ti laengen padana a babai ti kaiddaenna. Kasta met ti lalaki. Ti laengen padana a lalaki ti kaiddaenna ket sumgedda iti kinaderrep. Nakababain ti ar-aramidenda iti maysa ken maysa. Isut' gapuna a madusada a kas kaikarianda gapu iti dakes nga aramidda. Agsipud ta di bigbigen dagita a tattao ti kinapudno maipapan iti Dios, binaybay-an ida ti Dios nga agpanunot iti dakes ken agaramid kadagiti saan a maiparbeng.
Explore Taga-Roma 1:26-28
8
Taga-Roma 1:22-23
Kunkunada a mamasiribda, ngem maagda met. Saanda nga agdaydayaw iti Dios a di matay, ngem agdaydayawda ketdi kadagiti ladawan ti tao a matay wenno tumatayab wenno ayup wenno agkarkarayam a parsua.
Explore Taga-Roma 1:22-23
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos