Popular Bible Verses from Paltiing 16

Share

“Denggenyo, umayak a kasla mannanakaw! Nagasat ti tao a siririing ken di manguksob iti pagan-anayna tapno saan a lamolamo a magna ken saan a mabain kadagiti tattao.”

Imbuyat ti maikanem nga anghel ti malukongna iti dakkel a karayan Eufrates. Namagaan ti karayan tapno adda pagnaan dagiti ari nga aggapu iti daya.

Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Ket nakakitaak iti tallo a narugit nga espiritu a kasla tukak a rumrummuar kadagiti ngiwat ti dragon, ti narungsot nga animal ken ti sinan-profeta.

Mapupuoran la ngaruden dagiti tattao, ilunlunodda pay laeng ti nagan ti Dios nga adda pannakabalinna kadagitoy a didigra idinto nga agbabawida koma kadagiti basbasolda ket agdaydayawda iti dayagna.

Napan imbuyat ti umuna nga anghel ti linaon ti malukongna iti daga. Gapu iti daytoy, nagtaud dagiti nakabutbuteng ken naut-ot a gaddil kadagiti tattao nga addaan iti marka ti narungsot nga animal, ken kadagiti nagdaydayaw iti ladawanna.

Ket inummong dagiti espiritu dagiti ar-ari sada impan ida iti lugar a maaw-awagan Armagedon iti pagsasao a Hebreo.