Popular Bible Verses from Dagiti Salmo 84

Share

O APO ken Diosmi, arigmo iti init ken kalasag; mangipaayka iti parabur ken dayaw. Dimo ipaidam ti nasayaat a banag kadagiti agaramid iti naimbag.

Naim-imbag ti maysa nga aldaw a kaaddak iti Templom, ngem ti sangaribu nga aldaw iti sabali a disso. Kaykayatko ti agbantay iti ruangan ti balay ti Dios, ngem ti agtaeng iti balay dagiti managdakdakes.

Naragsak dagiti tattao a sika ti pagtaudan ti pigsada, a mailiw a mapan agdaydayaw idiay Bantay Sion.

Kasta unay ti gagarko a mapan sadiay! Kayatko ti sumrek iti Templo ni Yahweh. Kantaak iti Dios a sibibiag; agkantaak a siraragsak iti amin a puso ken kararuak.