Popular Bible Verses from Dagiti Salmo 42

Share

Apay aya a maladladingitanak? Apay aya a mariribukak? Mangnamnamaak iti Dios, ket idaydayawko manen, ti mannubbot ken Diosko.

Kas iti panangtarigagay ti ugsa iti nalamiis a danum ti waig, kasta met, O Dios, ti panangtarigagayko kenka. Mawawak iti sibibiag a Dios; Kaanonto a mabalinko ti mapan agdaydayaw iti sangoananna?

Apay aya a maladladingitanak? Apay aya a mariribukak? Mangnamnamaak iti Dios, ket idaydayawko manen ti Diosko a mangisalakan kaniak.

Aldaw-rabii nga agsangsangitak, ket pannakataraonko dagiti luluak. Kanayon a saludsoden dagiti kabusorko, “Sadino ti ayan ti Diosmo?”

Iti daytoy a lugar a nakaipanak, iturongko kenkuana ti panunotko ta kasta unay ti lidayko. Inyegna dagiti dalluyon ti ladingit iti kararuak; kas layus nga agdaranudor ti riribuk iti kaunggak