Popular Bible Verses from Dagiti Salmo 37

Share

Sapulem iti APO ti pagragsakam, ket itednanto ti tartarigagayam.

Ikumitmo ta bagim iti APO; agtalekka kenkuana ket tulongannaka.

Aganuska ket urayem nga agtignay ti APO. Dimo pakasikoran dagiti rumang-ay ti panagbiagda, wenno dagiti agballigi iti dakes a panggepda.

Agtalekka iti APO ket agaramidka iti naimbag. Agnaedka iti daga ket awan pakaan-anoam.

Ti APO ti mangidalan iti tao iti rumbeng a pagnaanna, ket salaknibanna dagiti mangparagsak kenkuana. Uray no maitibkol, awan duadua ti ibabangonna, ta tengtenglen ti APO ti imana.

Pagraniagennanto a kas aldaw ti kinaimbagmo, ken kas iti init ti agmatuon ti kinalintegmo.

Igagam ta pusom iti nalaus a panagpungtot. Yegna laeng ti riribuk.

Nagubingak ngem ita lakayakon, ngem awan pay nakitak a nalinteg a binaybay-an ti APO, wenno dagiti annakna a makipalpalama.

Dika agsikor gapu kadagiti managdakdakes; dimo apalan dagiti agaramid iti dakes.