Popular Bible Verses from Dagiti Salmo 139

Share

Idaydayawka, ta rumbeng a kabutengka; datdatlag ken nakaskasdaaw dagiti aramidmo. Ammok daytoy iti amin a pusok.

Usigennak, O Dios, ket ammoem ti adda iti pusok. Suotennak tapno makitam ti adda iti panunotko. Wen, sukimatem no adda kinadakes kaniak, ket iturongnak iti nagkauna a dana.

Pinartuatmo ti amin a paset ti bagik, sinukognak iti tian ni inak.

Nakitanak sakbay a mayanakak. Dagiti naituding nga aldawko nailanadda amin iti librom, uray awan pay nangrugi kadakuada.

O APO, inusignak ket ammonak.

Sadino ti papanak tapno malisianka? Sadino ti pagkamangak tapno maadaywanka?

Ammom amin nga aramidko; ammom dagiti pampanunotko uray addaka iti adayo.

Uray sakbay nga agsaoak, ammomon ti innak ibalikas.

Agtartrabahoak man wenno agin-inanaak, ammom amin a gunayko, makitanak.