Popular Bible Verses from Dagiti Salmo 119

Ti saom ti silaw a mangidalan kaniak, maysa a lawag iti dana a pagnaak.

Idulinko dagiti lintegmo iti pusok tapno saanak nga agbasol kenka.

Kasano a pagtalinaeden ti agtutubo ti nadalus a panagbiagna? Babaen iti panagtungpalna kadagiti bilinmo.

Nagasat dagiti mangtungpal kadagiti bilinna, wen, nagasat dagiti agtulnog kenkuana iti amin a pusoda.

Sika ti salinged ken kalasagko, mangnamnamaak iti karim.

Ilawlawagmo kaniak ti lintegmo, ket tungpalek; iti amin a pusok, annurotek.

Ikkannak iti tarigagay nga agtungpal kadagiti bilinmo a saan ket nga iti ibabaknangko.

Nagimbagak ti panangdusam kaniak, gapu ta nasursurok dagiti bilinmo.

Uray iti panagsagabak, naliwliwaak, agsipud ta ti saom inikkannak iti biag.

Pagtalinaedennak nga agtungpal kadagiti bilinmo, ta isuda ti pakasarakak iti ragsak.

Isurom kaniak, O APO, ti kaipapanan dagiti linlintegmo, ket tungpalek ida iti amin a tiempo.

Nalapunosak iti liday ket maidasayak; papigsaennak kadi kas inkarim.

Anian a panagayatko iti lintegmo! Agmalmalem nga ut-utobek.